روايات واسكريبتات بقلمى: هند نور

واحببت_روحك_اولاً

-افهمى ياجميله أنا بحبها هى .. أنا آسف.
-‏طب وانا؟!!
-‏طول عمرك اخت ليا وصحبة عمرى وبير اسرارى .. بس مش حبيبه .. صدقينى حاولت بس مقدرتش
-‏انا عارفه تفكيرك كويس ياسليم .. أنا ال ينفع تحكيلى أسرارك احللك مشاكلك، تقولى ايه ال مضايقك، حتى تفاصيل يومك أنا عرفاها، اصحابك، بتحب ايه مش بتحب ايه .. بس يوم ماحبيت حبيت غيرى خدعتك المظاهر .. حبيت جمالها .. حبيت عيونها الخضره .. حبيت مركزها؛ لاكن محبيتهاش هى .. محبيتهاش كونها .. محبيتهاش من جواها .. لاكن اوعدك انك عمرك ماهتشوفنى تانى .. انا اسفه انى هنت نفسى مع واحد بتخدعه المظاهر انسان بيتسلى .. وعد أن دى اخر مره تشوفنى فيها ياسليم

عدى اسبوع اتنين تلاته، شهر، اتنين تلاته اربعه، عدى سنتين .. لسه منسيتهاش عرفت اد ايه انا كنت غبى .. أنا كنت بحبها بس ضاعت من ايدى .. دايما الإنسان بتخدعه المظاهر والشكل والجمال .. بس بيرتاح مع ال شبهه بيرتاح مع ال فاهمه .. بيحب الاحتواء، بيحب ال يحكيله كل حاجه وهو واثق من أنه مش هيخذله، مش هيزهق .. جميله كانت اجمل بنت من جوه ومن بره .. بعيون بنى تسحر القلب وخدودها المقلبظه، وعيونها ال بتبقى وهى بتضحك، وملامحها الهاديه ..  النهارده عيد ميلادها هتم ال ٢٢ الايام جريت هواا ولحد الان فاكر كل تفصيله ليها .. بتحب الليل والسهر .. بتحب النوم، بتحب القهوه والكابتشينو والمكسرات بتحب الشيكولاته والاندومى والشيبسى بالملح، بتحب تغنى رغم أنها عارفه ان صوتها وحش، بتحب ميكس من الاغانى تامر حسني على ام كلثوم على سعاد حسني على نانسى على ويجز ، بتحب حمزه نمره، عنبه .. غريبه دايماً فى أفعالها .. أما بتتعصب بتدبدب على الأرض وتعيط .. أما تبقا مبسوطه تفضل تتكلم كتير اوى .. كل ده مش قادر أنساه .. أنا وجميله كنا جيران أنا ٢٤ سنه وهى ١٨ أنا اكبر منها بسبع سنين كان عندى ١٥ سنه اول ماشوفتها وهى ٨ سنين كانت طفله شقيه وغريبه كل مانتخانق تعمل مشاكل وتضرب العيال عشان اخد حقها وإصلاحها .. لحد ما بقيت أنا ٢٧ وقابلت بسنت منكرش ان شدنى جمالها عيونها الخضره هدوئها .. اعجبت بجمالها لاكن محبيتهاش .. ساعتها اول واحده عرفتها كانت جميله .. ومن ساعتها بعدت اختارت الفراق ومن ساعتها وانا حاسس ان فى حاجه ناقصانى معرفش اى حاجه عنها .. عزلو وغيرت أرقامها حتى جامعتها سابتها اختفت كل يوم بدور عليها فى كل حته مش عارف راحت فين ..

وأنا بقلب فى التايم لاين شوفت بوست بعنوان
"ماذا لو عاد معتذراً؟ .. أو هل ندمت/ى على جراحك لاحد؟"
‏
‏ دخلت اكتب كومنت وانا فى عيونى كل الدموع والندم والشوق .. ((ندمت وأشد الندم .. ليت الوقت يعود بى لكى لا أرى كسرتها ودموعها .. عندما أجدها ساعتذر لها مره واثنين وثلاثة ومائه ولن ايأس .. جرحتها وكسرت قلبها؛ ولكن كنت اجرح نفسى قبلها كنت اعشقها احبها فوق الحب حباً ولكنى ضيعتها .. افتقدها الان وبشده)) وقبل ماادوس ... دوست بالغلط على التعليقات الجديده
لمحت صورتها واسمها هى "جميله حسين" ضربات قلبى زادت وجسمى أرتجف طلعنا فى نفس الجروب بصيت لأسمه لثوانى قبل ما أقرأ
"ايعتذر عن ماذا .. أهل هو كسر ظافرى بالخطأ .. هو كسر قلبى .. ضيعنى من يده .. كنت له حبيبه وصديقه وبير لاسراره ومعاونه له وكنت بجانبه دائماً ولكنه اختار"
قريت الكومنت كذا مره  فى كل مره وجع قلبى بيخف وبيهدا ويرجع تانى يوجعنى أستحقرت نفسى .. أنا ضيعتها .. بس أخيرا هعرف اكلمها ... وبنفس الرجفه وضربات القلب الزايده، عدلت فى الكومنت ال كاتبه وكتبت
"هكون ممتن ليها طول العمر لو سامحتنى .. ياريت نرجع.. أنا ندمان .. هى حبيبتى وبير اسرارى وحشتنى جدا كل تفصيله ليها مش ناسيها"

قريت الكومنت بتاعه بصدمه .. لسه فاكرنى.. محتاجنى .. ممكن ماكونش أنا .. كل ده وقلبى المهزء عمال يدق جامد وايدى بترتعش .. لقيت صوت ماسدج فتحته بسرعه لقيته هو .. بعتلي ماسدج ع ماسنجر

‏أعتذر فيه قال كلام كتير  عيط أتأسف  قال خسرتك  وفى الأخر قالى نرجع !
‏
‏ضحكت لما قريت كلامه  فكرة أنى أشوفه بيكتب  أشوف ماسج منه دموعى نزلت .. لسه فاكرنى .. لسه محتاجنى .. قلبى مش راضى يبطل دق .. حاسه أنه هيخرج من ضلوعه
لقيته بعت تانى كاتب "أنا آسف ياجميله .. كنتى هديه وجوهره غاليه وانا ضيعتها بسبب غبائى أنا بحبك وبحبك اوى بتمنى تسامحينى .. اعتبرينى عيل وغلط"

‏وكالأهبله كتبتله "وهو فى عيل عنده ٢٩ سنه ياعجوز "
‏
‏لقيته بعت "واخيرا رديتى .. انتى وحشانى قد البحر وسمكاته اد النجوم اد كل بيبى بيتولد اد كل حاجه .. انا بحبك .. موافقه نرجع"
‏قولتله زيى الهبله " موافقه نرجع"
‏
‏وفعلا رجعنا .. واول خطوه عملها انه أتقدملى وخطبنى .. فرحته كانت غالبه فرحتى
‏عينه منزلتش عنى يوم خطوبتنا  كل شويه يعتذرلى، ويعترفلى اد ايه هو بيحبنى .. أبتسامه هاديه وعيونه ال تسحر وملامحه جميله وريحته الدافيه الهاديه .. وفعلا رجعنا زيى مارجع يحكيلى مشاكله نضحك نتخانق نتصالح بس واحنا مع بعض .. الحب عمره ماكان بالشكل أو الون الحب ارتياح .. احتواء .. انسان بترتاحله .. انسان اول مابتشوفه قلبك بيرقص .. أما بتحب الوقت بيعدى معاه زيى الهواا وبيخلص بسرعه .. بتبقا عايز تقول كلام كتير بس لسانك مربوط .. ♥️

"ويتوقف العالم حينما القاك .. احببتك وبشده فكنتى لى صديقه قبل أن تكونى حبيبه، كنتى لى ام تحتوى صغيرها، وطفله تريد الاحتواء"

وما الروايات مامجرد الا خيال 🖤✨

#واحببت_روحك_اولاً
#تخاريف_اخر_الليل
#هند_نور