روايات واسكريبتات بقلمى: هند نور

فضفضه_عقل

انتى هتعمل فيها ست الشيخه، انتى هتعملى فيها الملاك ال مش بيغلط!!، اى ده جرجس أنت اسلمت انت عيان!!، شوف مين ال بيتكلم!!، ايه ده انتى بتصلى ياشيخه ربنا يقوى ايمانك، بت خدى اسمعى الاغنيه دى، شوفتى النهارده البت عملت ايه دى طلعت بتكلم كذاا كذاا، شوفى طريقه كلامها، شوفى عملالنا فيها الشيخه وكل شويه تشير ادعيه وقرأن

"الصاحب ساحب" الجمله دى بجد حقيقه ومؤذيه جدا احنا مش بنعمل حاجه غير ان احنا بنتنمر، ونم، ونغتب، ونتكلم على بعض، نبص على الناس فى الرايحه والجايه، نشتم نختار لبعض الألوان واللبس والروج، لا فكى وارقصى، يابنتى هو احنا بس ال بنعمل كده احنا بنات ولازم نفك .. ماهى دى كارثه!!

وبجد ياجماعه احنا مجتمع متخلف، احنا فى كارثه فى غفله كبيره أولهم أناا .. احنا بنشد بعض للنار احنا بقينا اقوى من الشياطين احنا اتغرينا فى الدنيا جامد وحبناها،، بجد ياريتنى كنت شيخه .. انك تكون شيخه دى اصلا حاجه حلوة انتو متخيلين بنتريق على ايه!! ..

الحياة دى صعبه جدا وفيها متاعب كتير .. أنا مش ملاك ابدا أنا بغلط كتييير جدا جدا وبعمل حاجات كتير مؤذيه لنفسى قبل ماتكون لغيرى .. الحياة دى زيي الامتحان بالظبط ياهنعرف نعدى منه ونصبر ونحاول نتغير ياااهنفضل نتعب فيها .. اى كان ادا ايه هو صعب وقاسى!!،، ويمكن ننهار ونتعب بس المهم نعدى منه .. من يوم ماهاجر ماماتت وانا ركزت فعلا فشويه حاجات وكلام واكتشفت أن انا بجد فى غفله!! بس مهما بعدنا عن ربنا وبنغلط ربنا رحيم بينا كلنا،، احنا بجد بنعمل حاجات كتير غلط "اول حاجه غلط بنعملها أننا بنستهزء بااى حد بينصحنا رغم أننا عارفين أنه صح، بنتنمر كتير على خلق ربنا، بنتكلم على غيرنا، بنشتم، بنأجل الصلاة أو يمكن كمان مبنصليش، و......."

بس رغم كده ربنا مدينا فرص كتير جدا ربنا مستنينا نرجع له .. الحياة دى مش حياتنا ولا حتى عارفين هنفضل فيها اد ايه؟!!، ولا هندوم فيها حياتنا الحقيقيه هى الاخره ودى ال هنرتاح من تعب الدنيا فيها وربنا يجازينا بتعبنا وصبرنا بس يغفرلنا برحمته مش بأعمالنا ..

اكتر حاجه غلط عملناها ان احنا حبينا الدنيا دى والشيطان بيغرنا جااامد جدا .. 💔

وال ناس ال بتتنمر انا مش شيخه أنا بعمل حاجات كتير سوده "أنا بتنمر، وبنم على خلق الله، انا بعيده عن ربنا، وساعات بكدب،و...." بس على الاقل بحاول اغير من نفسى ..

بتمنى فى يوم اللبس لبس اعرف اصلى بيه لو أنا بره البيت لبس واسع واغطى شعرى كامل، بتمنى انى مشتمش ابدا، وانى اغير من نفسى، بتمنى ماتكلمش تانى على اى حد حتى لو بهزر، بتمنى متنمرش ابدا على حد، بجد نفسى ابقى حتى فى ربع كلمه شيخه بتمنى أن فى يوم اقدر اتغلب على الشيطان وافوز بالجنه♥️

#هند_نور
#اسكريبتات_تخاريف_اخر_الليل

جماعه بمناسبة الاسكريبتات وكده انا اسفه مش هقدر انزلها عندى أنا مش جريئه لدرجه تكفى وانا مش كاتبه ابدا اى حد بيدور فى دماغه شويه كلام على أحداث فابيقدر يطلعها بالكتابه .. أنا لما بكتب بكتب زهق بحاول اطلع ال فى عقلى بطريقه الكتابه