أطل يوم الزفاف مشرقا ودافئا عكس الايام الماضيه التى كانت تمطر وشديده البرودة وكأن الطبيعه قررت اهداء فيروز هديه من عندها حتى تبتهج وتسعد
فى اليوم المقرر للزفاف استيقظت فيروز صباحا على صوت ياسمين المغرد وهى تحمل صنييه افطار كبيره حتى السرير مما ادهشها بشده ونظرت لياسمين ضاحكه وقالت لها : مش معقول ايه الدلع دا كله دا انا عمرى ما فطرت فى السرير ابدا واضح انك متوصيه بيا قوى يا ياسمين
اجابتها ياسمين بمرح قائلة : ايوه يا اختى دى تعليمات عليا من الست سلمى وقالت لى انهارده يوم فيروز المميز ولازم تتعامل فيه كاميره أو ملكه متوجه.........
نظرت فيروز اليها ضاحكه وهى تقول : يا سلام انا لوكنت اعرف كده كنت اتجوزت من زمان قوى.........
اجابتها ياسمين بشقاوه قائله : بس برضه عمرك ما كنتى حنلاقى الخدمه الممتازه ديه غير عندنا احنا بس يا دكتوره فيروز..........
اجابتها فيروز وهى تضحك بمرح قائله : طبعا وانا اقدر اقول غير كده
صاحت ياسمين بسعاده قائلة : ايوه كده يا حلوه............يلا افطرى بسرعه قبل ما يجئ ابراهيم يوصلنا للفندق اللى حيتعمل فيه الفرح.......اصله كلمنى وزمانه على وصول............
سالتها فيروز بفضول قائله : انتى تعرفى الفندق ده فين يا ياسمين؟؟؟؟؟
اجابتها ياسمين ضاحكه وهى تقول : اه يا فيروز.......... على فكره دا فندق فخم جدا ومشهور قوى............. بس انا عمرى ما دخلته............... واكيد وليد استخدم نفوذه علشان يحجز قاعه الافراح فيه فى الوقت القليل ده.......لانى حسب ماسمعت ان الحجز فيه بيكون قبلها بشهور طويله.........
اجابتها فيروز بضيق قائلة : واكيد طبعا غالى جدا................ انا قولت له ملوش لازمه الفرح............ وانت شوفتى بنفسك اللى حصل يوم كتب الكتاب.............
انفجرت ياسمين ضاحكه بصخب قائله : هو دا يوم يتنسى يا فيروز ........... ماما يا حبيبتى نايمه على ترابيزه........ وفريدة نايمه على ترابيزه تانيه.........
والعروسه السعيده فتحت القاعه اوضه استقبال فى مستشفى........... ده غير المحاليل.... والحقن دا كان يوم مسخره الصراحه.....
نظرت فيروز اليها محاوله التماسك حتى لاتنفجر ضاحكه مثلها قائلة : تفتكرى ماما عزمت طنط منى وفريده انهارده يا ياسمين؟؟؟؟
اجابتها ياسمين ببراءة قائلة : يا رب متكونش عملت كده المره دى اكيد حتبقى عمليات صح يا فيروز؟؟؟؟
أنت تقرأ
عالقه فى منتصف كل شئ (مكتملة)
Romanceتعرضت فيروز لأقصى التجارب الحياتية مراره وحزن وفى الوقت الذى كانت تعتقد فيه أن حياتها انتهت لم تكن تدرى أنها لم تبدأ بعد
