🍸 بعد مرور عام 🍸
قطع شرود وليد الواقف فى شرفه مكتبه الانيق طرق على باب مكتبه فاذن للطارق بالدخول دون ان يستدير اليه
صاح عصام بلطف قائلا : صباح الخير يا وليد
استدار وليد بلهفه اليه قائلا : صباح الخير ايه اخر الاخبار يا عصام
نظر عصام اليه بشفقه قائلا : مفيش جديد كالعاده زى كل اسبوع راحت المقابر وعيطت شويه حلوين......... ورجعت البيت غيرت هدومها وراحت المستشفى وهى هناك دلوقتى
ساله وليد بحده وغيره واضحه قائلا : عرفت معلومات عن الدكتور السخيف اللى علطول معاها ده
رد عصام عليه بتردد قائلا : اه دا طلع من عائله كبيره قوى وثريه جدا وكمان دكتور شاطر جدا ومحبوب بين كل زملائه واضاف فى تردد واضح قائلا : وكمان طلب ايدها للجواز من يومين تقريبا
اشتعلت عيون وليد بالغضب ونظر الى عصام بشراسه قائلا : ايه بتقول طلبها للجواز وهى وافقت دا يبقى نهار امها اسود دي مراتى ازاى تتجوز واحد تانى غيرى دى جريمه
اجابه عصام بهدوء قائلا : اهدى بس يا وليد واضح ان الافكار اتلخبطت عندك شويه فيروز مش مراتك فيروز ارمله حسن اللى انت لغيت شخصيته من حياتها واوهمتها بموته
و
هى دلوقتى حره من حقها تتجوز وتحب ومش معقوله حتعيش طول عمرها على الذكريات وخصوصا انها حلوه وصغيره
ثم انت نفسك خاطب وحتتجوز يبقى ليه تحرمها من ده
انفجر وليد بغيظ قائلا : يعنى هو انا كنت خطبت ليه يا عصام مش علشان انساها
و
حتى دا انا فشلت فيه كمان............. علشان كده فسخت الخطوبه الاسبوع اللى فات وامى شيطه من ساعتها
تنهد عصام وهو ينظر الى صديق عمره بشفقه قائلا : طيب وناوى على ايه دلوقتى يا وليد
نظر وليد اليه بحزم قائلا : ناوى ارجع فيروز تانى لحضنى واخليها تنسى كل اللى الماضى اللى فات
نظر عصام اليه باهتمام وحذره قائلا : بس لازم يكون عندك خطه كويسه........... لاحظ انها اكيد حتتصدم جدا لما تشوفك لانك حتبقى فى نظرها نسخه بالكربون من حسن جوزها اللى كانت بتحبه جدا و مات قدام عيناها وقعدت فى غيبوبه شهر كامل بسبب موته قدامها
نظر وليد اليه بحيره قائلا : مش عارف لسه حاعمل ايه بس اكيد حلاقى خطه علشان ادخل حياتها مره تانيه واخليها تحبنى تانى بس المره ديه بشخصيتى الحقيقيه كوليد
أنت تقرأ
عالقه فى منتصف كل شئ (مكتملة)
Dragosteتعرضت فيروز لأقصى التجارب الحياتية مراره وحزن وفى الوقت الذى كانت تعتقد فيه أن حياتها انتهت لم تكن تدرى أنها لم تبدأ بعد
