💞بعد مرور شهر تقريباً ،💞
بعد مرور شهر بعد يوم الدراما العظيمه اقصد بعد عقد قران فيروز ووليد كانت كل الامور تسير بشكل جيد
وليد كان فى مهمه لمده اسبوعين قضتهم فيروز مع اسرته فى منزلهم واحتلت غرفته
وياسمين كانت مشغولة بالدراسة لاقتراب موعد اختبارها النهائي ولولا دعم فيروز التى كانت تمدها بالطاقة والتفائل لكانت عجزت عن مواصلة الدراسة
اما ادهم كان مشغولا فى الإشراف على الديكورات فى شقه الزوجيه وخصوصا بعد توسل وليد له بإتمام العمل
بدلا عنه
لان فيروز صممت على عدم تقديم موعد الزفاف الا بعد الانتهاء من أعمال الديكور لعش الزوجيه
وهددهم قائلا : اعملوا حسابكم لو مش حتساعدونى والله العظيم حخطفها على اى بلد واتجوزها غصب عنها وحتبقى فضيحه للكل
وعندها ضحكوا فى مرح وقرروا مساعدته
وبما أن ياسمين كانت مشغوله بالمذاكره تولت سلمى مهمه الذهاب مع العروسه لشراء جهاز العرس
ولكن حدثت بعض المشاكل الصغيره بينهم وذلك عندما
رفضت فيروز بشده ان تجعل سلمى تدفع لها اى مبلغ فى شراء الجهاز الخاص بها......
وحدث ذلك عندما كانت فيروز تجلس مع سلمى فى حجره الاستقبال وادهم نائم فى غرفته وياسمين تذاكر في غرفتها وكانت فيروز وسلمى فقط هم من كانوا في انتظار عوده وليد من مهمته الغامضه كالعاده
وإعادت سلمى فتح موضوع مساعده فيروز ماديا فى شراء جهاز العروس الخاص بها........... ونظرت إلى فيروز بحزن قائلة : انا كنت فأكره انك بتحبيني يافيروز وانى بالنسبة ليكى زى المرحومة مامتك بالضبط
وهنا هبت فيروز من مكانها وضمتها إلى صدرها قائله فى حرج : صدقيني يا ماما الموضوع ملوش علاقه خالص بعلاقتى بيكى او حبى ليكى........ المشكله فيا انا
انا اللي محرجه جدا من انك تدفعى ليا اى فلوس فى جهازى......... لانى وقتها حافتكر كلام فريده.......... بانى يتيمه مفلسه...... وانى طمعانه فى وليد وفلوس عائلته الثريه........
نظرت سلمى اليها بحزن وهتفت بضيق قائلة : ربنا يسامحك يا فريده أنا كل ما افتكر تصرفاتها الحقوده يوم كتب كتابكم... اترعب وافتكر انى ازاى ضغطت على وليد علشان يتجوزها مع انه يا حبيبى كان رافض الفكره كلها بس علشان يرضينى وافق فى الاخر........... والحمدلله ده محصلش لانها طلعت انسانه حقوده وانانيه جدا....... وعمرها ماكانت حتقدر تسعده ابدا.......او تفهمه وتفهم ظروف شغله.......... وحياته معاها كانت حتبقى جحيم........ واهو بسببها مش قادره اقدم ليك أى مساعده انتى كمان.... وانفجرت بالبكاء بعنف
أنت تقرأ
عالقه فى منتصف كل شئ (مكتملة)
Roman d'amourتعرضت فيروز لأقصى التجارب الحياتية مراره وحزن وفى الوقت الذى كانت تعتقد فيه أن حياتها انتهت لم تكن تدرى أنها لم تبدأ بعد
