أنت تقرأ

سلام

Action

لا تنحني لتلقط ما سقط من حياتك...🖤 لأنك إذا انحنيت يسقط الأكثر ... 🥀 أكمل طريقك وستقابل الأفضل...✨🦋 𝒹ℯ𝓂ℴ𝒾𝓈ℯ𝓁𝓁ℯ 𝓏𝒾𝓀𝒶

#dz

الجزء الثاني عشر

11 3 0 
                                    

                                              
#الجزء_الثاني_عشر

                          
طلع فارس عندنا طبطب فالباب و دخل ... وقفت سقمت روحي
- كي بانتلك الحالة ؟
- عجبوني بزااف الله يبارك
- راكي شايفة روحك راح تقدري على مسؤوليتهم
- ايه موسيو كونك هاني
من بعد تفكرت دار غريبة و راجل براني كيفاش راح ندير
- حابة نعرف الوقت لي تكون فيه انت هنا .. راك عارف ماجاياش نبقى فدار مع راجل غريب عليا
- ايه علابالي لازمك محرم .. مي انا نخدم نهار كامل من 8 ونص لل 5 ونص .. لوقت لي نقرب نوصل فيه ولا ندخل برك نتي تروحي ..اا لفام دوميناج تروح قبلك .. بالنسبة لدراهم راح نعطيك دوبل بسكو راهم زوج .. تحتاجي اي حاجة كاين تيليفون تع دار عيطيلي فيه
- خلاص فهمت كونك هاني
هو هابط فدروج و انا نتفرج فيه حتان خرج و غلق الباب
فقت على روحي : وشبيك امينة جاية تخدمي باش تهزي داركم ركزي فخدمتك برك
رجعت عندهم بدلتلهم قشهم و مشطت شعرهم .. كنت فرحانة بزااف كي راح نولي مربية تاعهم
قعدت شوية و رحت للدار .. الخدمة تبدا حتال غدوة
ماحبيتش نقلهم راح نولي مربية اطفال و نبقى في دار الناس .. قتلهم لقيت خدمة في سبيطار و خلاص
نضت صباح بكري صليت الفجر و دخلت لكوزينة خدمت قاطو باش نديه معايا
مديت لبابا يشرب دواه و رحت نبدل قشي
خرجت و ركبت فالبيس .. وصلت طبطبت فتح عليا فارس .. كي شافني طلع حواجبو
- جيتي بكري بزاف
- خفت البيس يدير بيا روطار
تبسم معايا و دارلي بيدو فوتي
حطيت طبسي فوق طابلة و نحيتلو لغلاف
- درت قاطو تع شوكولا حبيت نذوقهم ياك نورمال
- ايه نورمال برك ماتخليهمش يكثرو حلاوة بزاف
- لالا ماتخافش اصلا حابة نوضهم بكري .. هذيك لمرة كي جيت شفتهم ينوضو روطار مشي مليح ليهم
دخلت عندهم بشوية فتحت ريدو باش يدخل الضو و ينوضو وحدهم حبة حبة
لميت لي جوي تاعهم و رحت ليهم ندغدغ فيهم بشوية و نغنيلهم
ناضو فرحانين هزيت غسلتلهم و لبستهم .. كي هبطنا لتحت لقيت فارس راح
سلام حيث تعيش القصص. اكتشف الآن