سلام

الجزء الواحد والعشرون

#الجزء_الواحد_والعشرين

- بلا مانهدر على دوسيك لكحل .. انا راني مكلف غير بهاذ القضية .. و حتى لجريمة لي رتاكبها ولدك راه داير كلشي باسمك
- خلاص متفاهمين و نشالله نخلص كلشي الله لا يوصلنا لحبس (شاف في ولدو ) والله ندمك على هاذ نهار يا كلب
غير خرجو دار عمي وقفت شفت في فارس لي كان فرحان .. قريب مارحت سلمت عليه قدامهم
- واش نقلك موسيو فارس الله يعطيك ماتتمنى
- عادي ما بيناتناش
- اقعدو تشربو قهوة
ناض هذاك المحامي :
- سمحولي انا عندي خدمة بزاف
- حتى انت صحيت شي كامل لي هدرتو كان فقلبي و ماعرفتش نوصلو
- هذي خدمتنا ختي
راحو و انا تنهدت .. جبل و هبط من ظهري
فهمت ماما و بابا قتلهم هذا كان يجي لسبيطار و كي شافني حب يدير الخير برك
امنوني شوية بصح بقاو موسوسين

رجعت لخدمتي و لبناااتي .. و فهذاك النهار بذات عيطلي فارس و قالي استنايني ماترجعيش للدار .. بقيت نخمم علاش زعمة كشما حاب يقلي ..
فالعشية رجع لدار لقاني فالكوزينة درتلهم لحليب وقف عند لبوطاجي :
- معليش ديري قهوة ؟ حق لي راطيتها فداركم
- هه ايه نجيبلك
درتلو قهوة و كي ديتهالو قالي اقعدي باش نهدر معاك .. قعدت و ميات فرضية فراسي
- اول مرة كي حبيت في حياتي .. تقبلت نواجه كلشي .. لاج تاعي دارنا .. و هاذ شي كامل غير باش مانخسرش لمراة لي حبيتها .. مي ربي داها لعندو و هذيك كانت اول خسارة ليا .. بصح الحمدلله ربي عوضني بزوج بنات نورو عليا الدار .. من بعد لخسارة زاوجة لي كنت قريب راح نوصلها (شاف فيا و عينيه ذابلين ) علابالكي وقتاش ؟
- وقتاش
- نهار قلتيلي راح تتخطبي خلاص .. حسيتك هربتي من يدي .. ندمت بزااف لي ماتسرعتش و درت لخطوة لولة كنت خايف نتي ما تقبليش و من بعد تولي تخافي تجي هنا .. نولي محرم على بناتي حنانة الام تاعك بسبة مشاعري .. بصح اليوم ديسيديت نهدر و لي صار يصير .. مانبقاش عايش فالخوف تع كن يدوك مني
قريب ماهزيت يدي و نضربو و نقولو كن زدت شوية انا لي نجب نخطبك
- واش رايك امينة ؟ خممي و رجعيلي لخبر
- قابلة
- قابلة ؟ (حل عينيه )
- ايه قابلة علاش نخمم.. لقيت ولاد كيما كنت متمنية .. انا الله غالب ربي ماكتبليش نولد .. حتى انت لازمك تخمم فهاذ الشي قبل
- انا عندي زوج بنات بزااف عليااا قابل بيك نتي بكامل حالاتك قابل
ذوبني بهدرتو حشمت و هبطت راسي .. شدني من يدي و طلعني عند لبنات هزهم و دار عندي :
- هدى رحمة .. راكم حابين ماما امينة تولي عايشة معانا
- هدى : ايه ماما تعيش معانا
- رحمة : ماما ترقد معايا هنا
- هدى : ترقد معايا انا فيا وجع في يدي
- نطق فارس : ماترقد لا معاك لا معاها
و دار عندي غمزلي .. ايواااا هذا بداها من ضرك