#الجزء_الرابع_عشر
وحد النهار كنت قاعدة نقري فيهم بكتاب القراءة تع خويا كي كان صغير
- انا اسمي عمر .. وين راه عمر فصورة
- هذا هذا
- جيييد
- و ابي معلم .. وين راه الاب
- هذا
- احسنتي .. هدى نتي تاني شاركي كيما رحمة .. ايا وريلي ضرك .. امي ربة منزل وين راها الام
- ام !!
- ايه الام .. يعني ماما .. ششت رحمة خلي هدى تجاوب
هزت صبعها و دارتو عليا
- ماما
فهذيك اللحظة قلبي قعد يضرب بالقوي و حسيت الرعشة جات فجسمي .. هاذ الكملة شحال تمنيت نسمعها على قد ماجربت نحيها من طريق حياتي و نتقبل مكتوبي ماقدرتش ... بلا مانحس طاحتلي الدمعة
جبدتها عندي و عنقتها :
- يا روح ماماك انتي
قربت عندنا رحمة :
- نتي ماااامااا .. أمٌ (زعمة باش نعنقها هي تاني )
دخلتهم عندي فصدري و قعدت معنقتهم و نبكي .. اخيرا ربي كتبلي نسمع هاذ الكملة حتى اذا ماكانتش صح مي احساسها يرجع الروح ..
كي قربت باش نروح لبستهم بيجاماتهم و خرجت .. هاذ المرة مش هما لي بكاو عليا انا لي بكيت عليهم ماقدرتش نبعد عليهم كن صبت كن جبتهم معايا للدار
سمانة قبل لانيفارسار تاعهم كان عندي طرف كتان شباب بزااف .. ديتو للخياطة جارتنا و قتلها تخدملي زوج بدعيات تع دار .. عطيتها لاطاي تاعهم
و نهار لانيفارسار قبل ما نروح عندهم .. فت شريتلهم لي كادو غلفتهم و رحت
كي دخلت لقيت ديجا فارس خرج
طلعت ديراكت ليهم متحمسة نوضتهم دوشتلهم .. قعدت معاهم شوية نقريهم و نلعب فيهم .. من بعد هبطتهم يتغذاو
كي كملنا و هزت خالتي بايا لماعين رحت عندها و قتلها توريلي وين راه مخلي نيميرو تاعو ..
هزيتو تيليفون تع الدار و عيطتلو :
- الو وي
- اا.. سلام .. تقدر تجي ليوم بكري شوية
- علاه كشما صرا ؟
- لالا برك ليوم لانيفارسار تع هدى و رحمة حبيت نديرلهم حفلة صغيييرة
- دقيقة ( دخلت فتيليفون و شاف لادات ) لوكان مافكرتينيش كنت راح ننسى والله .. صحيتي امينة
اول مرة ينطق اسمي قريب ماقتلو بلا مزية يا عينين امينة
دخلتهم معايا للكوزينة و خدمتلهم لاتارت ..من بعد نفخنا نبولات و ستيكينا الحالة
طلعتهم لبستلهم هذوك البدعيات ولاو يبانو نساء صغارات ههه و زدت مشطتلهم درتلهم الوذنين تع ميكي ماوس
خرجو يهبلو ما شاء الله تقول ناكلهم
كي سمعت طوموبيل دخلت للقاراج تحمست .. ايه ايه فارس جا .. عجباتو بزااف الحالة
طلعت جبتهم كانو فرحانين بزااف و يغنيو .. طفاو شمع و قطعو القاطو .. من بعد جبدتلهم كادوواتهم .. زوج بوبيات قدهم فالطول ..
جبد هو زوج سنسلات تع ذهب فيهم بارل موف و بارل زرقة
أنت تقرأ
سلام
Hành độngلا تنحني لتلقط ما سقط من حياتك...🖤 لأنك إذا انحنيت يسقط الأكثر ... 🥀 أكمل طريقك وستقابل الأفضل...✨🦋 𝒹ℯ𝓂ℴ𝒾𝓈ℯ𝓁𝓁ℯ 𝓏𝒾𝓀𝒶
