لعبه الحياه { أمرأه لاتعرف المستحيل } مكتمله

البارت الواحد والعشرون

#امراه_لاتعرف_المستحيل ( لعبه الحياه )
البارت_الواحد_والعشرون

التزمت نور الصمت وهي تترقب تعبيرات وجهه بصمت شديد عندما سأل زملائها  عن وظيفه والدهما .
شعرت بانقباض قلبها لم تعلم لماذا هل تتجاهل الشكليات الاجتماعيه وتعترف ان والدها بواب ام تخرج من هذا الموقف بكذبه بيضاء ......
التفت وائل اليها بحنق هاتفا .
--  وانتي يا نور  ......
ابتلعت ريقها وهي تفرك  يديها بالاخرى وكانت شفتاها تكاد  تتحرك بكبرياء انا بابايا بواب .

ولكن قاطعها وائل قبل ان تنطق .
وانتي يا نور مسمعتلكيش صوت من وقت ما جيتي انتي مكسوفه ولا ايه ؟!  .
هزت راسها نافيه .
-- لا  ابدا كنت بسمع حضرتك .
اردف وائل حديثه مستعده .
اه باذن الله يا دكتور مستعده .
-- تمام يلا ياشباب .
بدء اليوم ببعض الاعمال البسيطه مثل الاسعافات الاوليه والتعرف علي حالات المرضي البسيطه وكيف يتم اسعافاتهم ،   مر اليوم بالسلام على الجميع .

...............

دلفت صفاء الى دره في مكتبها هاتفه .
--  شفتي البنتين الجداد  اللي جايين يدربوا من الجامعه  .
اشارت لها بعدم اهتمام .
--  مالهم يعني .
-- في بنت فيهم حلوه قوي كنت عايزاك تشوفيها .

تطلعت لها بتهكم .
--  واشوفها لي يعني .
--  بفكر اخطبها لاخويا شكلها محترمه وبنت ناس وفي نفس الوقت حلوه .

اردفت بسخريه .
-- واخوكي  صغير ميعرفش يختار .

--ما انتي عارفه ، اخويا مسافر واجازاته بسيطه مبيلحقش يشوف عرايس بس انا حاسه البنت دي لو شافها هتعجبه ،   لفتت نظري شكلها شاطره ابقى بصى عليها كده .

تطلعت الي الاوراق التي امامها وهزت راسها  بعدم اهتمام هاتفه .
--  طيب .

............

استلقت نور ونانسي التاكسي بعد انتهاء تدريبهم ، وتطلعت بنظرها من شباك السياره وعي تذم علي شفتيها بشرود وتمتمت بأفكارها .

-  ايه يا نور انتي اتخضيتي ليه كده لما كان بيسال زميايلك على وظيفه ابهاتهم ، خفتي ليه لما كان هيسالك ايه هتستعرى  من شغله ابوكي  ولا ايه ... ولا هتكبري وانتي لسه حتى مبداتيش  اول خطوه في حياتي .

قاطعتها نانسي هاتفه .
--  نور .. نور ..

التفتت لها نور ببلاهه .
--  هاا
-- ايه يا بنتي سرحانه في ايه .

هزت راسها نافيه .
-- لا ما فيش ، يعني بفكر في اليوم النهارده كان عامل ازاي .
-- شوفتي  الدكتور كان عسل ازاي النهارده ، ده اللي يشوفه في الجامعه غير المستشفى خالص عسول و كيوت قوي .

-- مش عارفه ، لكن  فعلا انا كمان حسيته متغير النهارده .
-- شفتي علاء  ابوه طلع مهندس كبير ازاي ، والدكتور وائل طلع يعرفوا ولا عربيته اتجنن ، واللي يشوفه يقول عليه غلبان .