🥀قصة الزيزونة و المتملك🥀( متوقفة لاسباب شخصية❤ )

الحلقة : 40

قصة الزيزونة و المتملك💋
By:SouadElyoussfi
الحلقة : 40

ليلى : ياالله دابا رتاحي شوية نعسي.

ميساء خشااات راسها فكرشها كتنخشش فيها : بقى معاياا عفااك.

ليلى تنهدت وهيا كتمسح ليها على كرشها : واخا نمشي نحط لباباك لغدا وغنرجع .

ميساء رفعات فيها راسها : دغيا متعطلشي.

ليلى حركات ليها راسها وهيا كترجع ليها زغيبات شعرها مورا وذنيها : صافي واخا يالله نعس.

غطاتها وخرجات سدات موراها لباب بقات ميساء كتبرقق بعويناتها محسات براسها تدااتها عينيها ونعسات لحريق رجع عليها نعاس .

لتحت ليلى نازلة من دروج تكتبان ليها حسنا جاية جيهتها.

حسناء بقلق : كي بقات ميساء ياكما تزاد عليها الحال؟؟؟.

ليلى ببتسامة : لا عطيتها الدوى لي عطيتيني ودابا راها مزيانة كون منتي معرفتشي اش كان ايوقع بفف.

حسنا تنهدات برتياح : الحمدلله حمدلله مني مشى منها لحريق خليها تنعس لحريق ديال العادة الله ايتسر فاش كيمشي كتبغي غي  تنعسي مكتبغي لا تحركي لا هاكا لا هاكا .

ليلى : ههه وياه كلشي مجربينو ميساء ورثات مني لحريق تانايا كنت كثر منها ( نازلين فدروج كيهضرو ) كان كيجيني غير بليل مكنت كنعس مكنت كنشوفو مَّامَّا مسكينة الله ايسمح ليا منها كانت مكتنعسشي كتبقى غير مقابلاني .

حسنا تنهدات ومسحات دمعتها لي نزلات ليها بلا متحس دغيا بتاسمات : الله ايسمح لينا من الواليدين تاأنا ماما الله ايرحمها تعذبات معانا .

ليلى بتأسف وحزن الله إيرحمها ويسكنها فلجنة مكنتشي عارفة سماحلي .

حسنا ببتسامة : ههه مدرتي والو هادو هما الأقدار نرضاو بلي مكتب لينا الله والحمدلله .

ليلى ببتسامة : الحمدلله .

حسنا : هههه مقلتيش ليا فين ساكنين واليديك فطنجة ياك؟؟.

ليلى حركات راسها بلا وهيا مبتااسمة :  لا هههه فتيطوان .

حسنا بذهول : اوو هيا نتي تطوانيا سحابلي طنجاوية .

ليلى ضحكات : ههههه مغتهمشي دابا يانا خلقت فطنحة حيت واليدية كانو ساكنين فلول فطنجة تاكبرت ولات عندي 17عام عاد تحولنا ل تيطوان زدت معاهم عام وتزوجت هههه.