قصة الزيزونة و المتملك💘
By:SouadElyoussfi
الحلقة:2
ليلى : والا عرفتي شني نتي بقاي هنا انا نمشي نوجدو فاش نسالي نعيط عليك صافي ونيت راجعي شوية كتوباتك صافي
ميساء حركات ليها راسها بأه
ناضت ليلى هبطات فدروج تجاه لكوزينة وبالها وتفكيرها غير مع بنتها كتفكر فيها وفمستقبلها لي معرفو تاحد.
بدات كتوجد لكيك لي كيعجب بنتها وبالها وقلبها مع بنتها ساهيا كتفكر فبنتها كبدتها كتبقا فيها بزاف شحال من مشفى مشاو ليه أو والو بدون نتيجة لمشكيل ماشي فلعلاج لا لمشكيل فلفلوس كيطلبو ليهم مبلغ كبير عليهم وهنا على قد لحال وها بنتهم شبابها كيضيع قدامهم وبين عينيهم وهما مافيديهم حيلة بقات كتفكر وتحلل ويديها كتخلط لعجينة ديال لكيك.
تكيدخل رجلها علي ( أب ميساء ) شافها هكاك ساهيا قرب عندها وفعينيه لاستغراب.
علي : سلامو عليكوم
ليلى مجوباتوش ساهيا ويديها كتحرك فلكيك
علي رفع من نبرت صوتو شوية باش تسمعو : واا سلامو عليكم
ليلى بدون جواب
علي جا قدامها كيهزهزها من كتفها : وسسبحااانةةة للله
ليلى تخلعات : ه هاا شش شكون شكون
علي : أعوذو بالله من شيطان رجيم أمالك أهاد لمرة
ليلى دفلات فصدرها : الله إينعلو ويخزيه أعوذو بالله من شيطان رجيم
علي هز كاس دلما سكفو دقة وحدة وعمرو من روبيني بلما مدو ليها : أمالك ياهاد لمرا شني كاين ياك مكاين باس
ليلى جلسات على لكورسي حطات وجهها بين يديها وملاميحها باينين مهمومين : أودي غير هما لي كاينين هاد ساعة ( وتنهدات بثقاالة )
علي كأنو فهم قصدها حيت لهم لواحيت لي عندهم واحد جلس حداها يد شاد بيها يديها ويد على شعرها بحكم مكديرش درة فدار كديرها غير فاش كتخرج من دار :واااليلى واحبيبتي ونعل شيطان ها حنا جمعنا شي براكة بينما تيسرت لخدمة ونشاءلله نلقاو حل لهدشي
رفعات فيه راسها عينيها مغرغرين بدموع ويديه بين يديها : واشني أعلي راه لبنت شبابها كيضيع بين عينينا لبنت لي تلقات معاه كيستهزأ بيها ويضحك عليها بحال هيا بغات راه بنتي بنتي هاديك ( كتبكي بحرقة ) حس بيا راني كنتقطع فاش كنشوفها هكاك 😢
علي ناض وقف كيحك فلحيتو تاهوا محاس بيه غير لي خلقو : اففف واش حنا فناس أليلى هاااا حنا فناس لي بغى يهضر يهضر حنا مشغلناشي فيهم هادي لي كتهضر عليها هاكا راها بنتي ومغنرميهاشي صافي سدينا
أنت تقرأ
🥀قصة الزيزونة و المتملك🥀( متوقفة لاسباب شخصية❤ )
Fantasyقصة الزيزونة والمتملك💋 ⚡تأليف : سعاد اليوسفي⚡
