قصة الزيزونة و المتملك💋
By : SouadElyoussfi
الحلقة : 13
ثائر دار ضحكة جانبية مزادتو غير جمال وزاد زير عليها وقال بهس روجولي سمعاتو غير هيا : متخافيش معمرني غنطلقك .
ميساء حسات بتبوريشة وإحساس فشكل جاها غير مزادت خشات راسها ف عنقو تولات نفسها سخونة كضرب فعنقو لآسمر مبلول بلماء.
ثائر غمض عينيه كيطلع نفس بزز صدرو كيطلع وينزل .
أما سيدرا غير حالة فيهم فمها مفهمات والو .
بدا ثائر كيتمشى فوسط لبيسين ولماء واصل لصدرو حيت هو طويل ماشي بحال ميساء غير يرخيها غتولي تحت لماء واخا توقف حيت قصيورة بدا كيتمشى .
وميساء مزيرة عليه بقوة كترعد بلبرد ولخوف حيت كان ليل ولبرد ديال ليل كيضرب فيها .
ثائر بهمس كتسمعو غير هيا كيهضر بلإسبانية وبصوت روجولي خشن وفنفس لوقت حنين: ششتت متخافيش أنا معاك .
ميساء مزيرة على رجليها لي مدورة على خسرو بجهد ويديها مدوراهم على عنقو اما هوا مدور يديه على خسرها مفلعصها قريب ايطرطق فيها شي عرق بسباب داك لخير لي هاز ( لعضلات ).
تمشى بيها تطلع فدريجات لبيسين وطلعو لفوق كيقطرو بلماء .
ميساء ثيابها كلها مبلولة شعرها والا مبوكلي بلما جات كتهبل بحال ايلى مسايب عند احسن صالون .
أما ثائر صدرو وعنقو وجهو ويديه كيقطرو بلما محيت فاش تلاح عند ميساء فلبيسين دغيا حيد تيشورت وتلاح ب سروال كيطما أما شعرو فازك ولماء رجعو كيلمع وهابط على عينيه .
حط ميساء لي وقفات على رجليها وكمشات يديها على صدرها كترعد بلبرد وفمها رجع زرق كيرجف بلبرد.
ثائر رجع شعرو لور بيديك لي كلما رجعو كيرجع ايطيح على جبهتو وعينيه .
رفع عينيه فميساء لقاها كترجف بلبرد ويديها مزيراهم على صدرها .
عقد حجبانو تحدر هز تيشورت ديالو لي بلون لأسود وتمشى تيجاها جرها كترجف لبس ليها خشى فم تيشورت ف راسها وهبطهاليها جاتها بحال لكسوة على حساب طول وعرض جسمو ضخم .
شافت فيه بعويناتها لي كيلمعو بضو جردة .
ثائر تشوكا بقى ساهي فعينيها .
هيا حشمات نزلات عينيها أما هو مهاموش ومعندو علاش يحشم مكيهمو حد .
حيد عينيه عليها بصعوبة وشاف تيجاه سيدرا لي حالة فمهاو عينيها فيهم عقد غباشتو وهضر.
أنت تقرأ
🥀قصة الزيزونة و المتملك🥀( متوقفة لاسباب شخصية❤ )
Fantasyقصة الزيزونة والمتملك💋 ⚡تأليف : سعاد اليوسفي⚡
