قصة الزيزونة و المتملك💋
By : SouadElyoussfi
الحلقة : 17
ميساء بقات شادا عندها ديك لكارط يالله جات ديرها فجيب لكسوة تتختفات ليها من يديها .
شهقات وطلعات راسها فثائر لي خطف منها لكارط غير شافت وجهو وهيا تسرط ريقها .
عروق عنقو أو وجهو بانو بارزين عينيه ولاو حمرين صدرو زاد تنفخ على كيف كان مزير على سنانو كيحكهم مع بعضياتهم.
شافتو ميساء هكاك خلعها وهيا دير خطوة لور تسلت ولكن معامن.
جرها ثائر من يديها تتزدحها مع لحيط تغمضات عينيها تقصحات قرب ليها ثائر نفسو كضرب فوجهها.
ميساء تقصحات فضهرها : أنن اهىء بب انن اهىء😢.
ثائر بكل برود وبصوت عصبي دار يدو على عنقو وطرطقو تتسمعات طااق طااق وشاف فعينيها مباشرة .
ثائر مزير على ديك لكارطة فيديه تتهرسات : ديالمن هادي .
ميساء عينيها تغرغرو بدموع ولخوف ورعب ركبوها بقات كتشوف فيه وبطبعها خوافة بزااااف تطرطقات بلبكا .
ثائر كارز على سنانو ومحسرها بيديه : هضرت معاك .
دارت ميساء يديها على وجهها وكتحرك راسها بلا كترعد بلبكة ولخلعة .
شاف فيها ثائر تشاف تنهد وبدا كيحيد ليها يديها على وجهها حيت عارف ايلى ضربها غتكرهو وهو باغي ايكسبها وتا باش تشرح ليه معندهاش صوت ايدا شوية بشوية وكلشي بلخاطر.
ثائر كيحيد ليها يديها من على وجهها وهيا مزيرة عليهم وكتبكي .
ثائر ثائر بقلت صبر : شششتت صافي غا حيدي مغندير ليك والو .
والو مابغاتش تحيد وشحال بكاها قبيح ومغنانا.
ثائر شافها كترعد بلخوف وهو يبعد عليها : صافي هاني بعدت يالله شوفي فيا .
سكتات شوية وطلات عليه بنص عين بين صباعها تأكد واش بعد بصح والا غير كيضحك عليها .
ثائر جابت ليه ضحكة يديك طلة لي دارت كيف لبنيتة صغيرة رجع راسو لجنب حابس ضحكة ورجع شاف فيها وقرب لعينيها لي مبينة بين صباعها وقال.
ثائر : مالكي كطلي كيف لفارة راه مضربتكش باش تبكي هادا غير هضرت معاك اما ايلى ضربتك معرفت اش غديري .
ميساء ضحكات ضحكية خفيفة حيت كان كيهضر بحال ايلى كيهضر مع شي بنت صغيرة .
أنت تقرأ
🥀قصة الزيزونة و المتملك🥀( متوقفة لاسباب شخصية❤ )
Fantasyقصة الزيزونة والمتملك💋 ⚡تأليف : سعاد اليوسفي⚡
