🥀قصة الزيزونة و المتملك🥀( متوقفة لاسباب شخصية❤ )

قصة الزيزونة و المتملك💘 ( الحلقة : 10 )

قصة الزيزونة و المتملك 💋
By : SouadElyoussfi
الحلقة : 10

سدات لباب سيدرا تقفزات ميساء من بلاصتها .

سيدرا مخنزرة بلإنجليزية  : أووف شحال حقيرة مكنحملهاش غبية.

ضارت عند ميساء شافت فيها دغيا تحولو ملاميحها لإبتسامة .

سيدرا جرات ميساء من يديها جيهت لبلاكار لي كان كبيييييير فيه 4 بيبان و 8مجورا لتحت بلون زهري وفيه مراية كبيرة.

سيدرا بفرحة كتفرنس وهضرات بدارجة معكلة باش تفهمها ميساء : أزااي أزااي نواالك حوايزاي وعكيني رايك أوكاي (أجي أجي نواري ليك حوايجي وعطيني رأيك ) ( درات ليها بيديها واش صافي )

ميساء واخا هضرات سيدرا بدارجة معكلة ايلى وأنها فهماتها ضحكات ميساء وحركات راسها بأه .

سيدرا بفرح : ياااي أزاي أزاي ههههه( اجي أجي ).

ضحكات ميساء على دارجتها لمعكلة وتبعاتها .

حلات سيدرا بلاكارها وحلات معاه ميساء فمها كان عندها من كل صنف شيء جيهت كل لون ف بلاصتو ومن كل سروال عندها 10 وتيشورطات كثااار لقوامج أيضا اما لكسااوي خلاااص وتا دوبياس جيهتهم بوحدهم بدات سيدرا كتجبد وتمد لميساء تشوف وكل حاجة كتقول ليها منين جابتها ومن محال لي جابتو ميساء عينيها ولاو فيهم قلوبة أكيد كلنا لبنات كيعجبنا لباس ولموضة وشكون ميعجبهاش ههه.

سيدرا هزات واحد لكسوة قصيييرة حد لفخاذ معندهاش لكمام مشدودة من لكرش وكتبين صدر بارز بطريقة مثيرة بلون لاحمر .

سيدرا حولات ملاميحها لحزن وقالت وهيا كدوز يديها على لكسوة : هد شريتا فاش كوو كونت فإيطاليا لبست واهد لمرا وكن كالو ششاف تهصب وكاليا حيد بكيت وبكيت وبكيت وصاف هيدتا(هادي شريتها فاش كنت فإيطاليا لبستها واحد لمرى ولكن خالي شافني تعصب وقاليا حييديها بكيت وبكيت وبكيت وصافي حيدتها ) .

سيدرا (مدات لميساء لكسوة ) شوف .

شداتها ميساء من عندها بقات كتلمسها بيديداتها كانت فعلا كتحمق ثوبها رطب بزاف وتا طريقة فصلتها واعر بزاف وباينة فيها غااليةة بزاااف .

سيدرا ناضت وقفاات  بحماس صفقات وأشرات لميساء جيهت لحوايج : إنيوااااي تكدر تخاز لي بيت ( تقدري تاخذي لي بغيتي ).

ميساء بقات شحال كتحلل هضرتها فدماغها حيت صعيب تفهمها وأي واحد صعيب ايفهمها حيت دارجة سيدرا معكلة بزاف .

تفلخر حركات راسها بلا بزربة ورمات من يديها لكسوة وقفات بزربة .

سيدرا قربات عندها مستغربة من ردت فيعلها : أو أو أو كالم كالم ماك ماك ماوكع وال صاف صاف ( مالك مالك ماوقع والو صافي صافي ) ماك ش واكاع ( مالك شواقع ) .