🥀قصة الزيزونة و المتملك🥀( متوقفة لاسباب شخصية❤ )

قصة الزيزونة والمتملك💘 ( الحلقة 6 )

قصة الزيزونة و المتملك💋
By: SouadElyoussfi
الحلقة :6

بعدة نصف ساعة ديال لأكل وراحة.

علي شاف فميساء : ميساء بنتي كملتي ماكلتك .

رفعات ميساء فيه راسها وحركات راسها بلإيجاب.

علي : يالله نوضي غسلي يديك والا نمشي معاك .

حركات ميساء راسها بلا بمعنى نمشي غير بوحدي .

علي كيأشر ليها تجاه لحمام : أوكي أنتينا سيري نيشان ودوري ليمن ديالك لباب لولة هاديك هيا لحمام صافي .

ميساء حركات راسها بلإيجاب .

ناضت من كورسيها بشوية وتمشات تيجاه لي ورى ليها باباها .

هداك لي كان مرقبها غير شافها ناضت وهو يقول لصحابو .

*** : غنجي دابا .

*** 2 : أفين غادي ( شافو مشى تابع ميساء لي كان كيبان غير ظهرها وهو يضرب يد مع يد كيضحك ) ههههههه مازال مسخن تابلاسطو هههههه

باقي ديال دراري لي معاه ضحكو وكملو هضرتهم عادي موالفين.

مشات ميساء لحمام دخلات وسدات موراها لباب مشات لروبيني غسلات يدياتها بشوية عليها عاد دوزات يديها فلمونشيف نشفو يديها وحلات لباب مع حلات لباب كان متكي عليه واحد كان أيطيح عليها كون مبعدات سحابليها غير شي واحد باغي يدخل تاهوا لحمام معطاتش لأمر أهمية بغات دوز ولكن شكون خلاك.

***ساهي فيها وقال بزربة : بلاتي بلاتي أنا مباغيش ندخل لحمام صراحة بغيت نهضر معاك.

ميساء طلعاتو ونزلاتو .

كان شاب مابيهش تكون عندو ديك 24 عام هكاك طويل سمر شوية عينيه عسلين نيف صغير شعرو رطب مرجعو لور بجيل لابس سروال جينس مع تيشورت فزرق جسمو ضعيف يالله لعضلات كيتشكلو فجسمو باين يالله بادي فلاصال مع ساعة فليد كتلمع باينة ثمينة  .

ميساء مكتحملش هاد لمواقيف بغات تمشي بحالها وهوا يحبسها عاود .

***بترجي : عفاك عطيني غير دقيقة بغيت غير نgوليك شي حاجة وسيري .

ميساء بدات كدور فعينيها بغات غير تفك منو طلعات راسها وهبطاتو زعما هضر .

*** بفرح باين فوجهو  : أحم أنا سعد ( مد ليها يدو شافها مابغاتش تمد يديها حس بحرج ورجعها عندو كيحك مؤخيرة رأسو بحرج ) أحم هههه ماشي مشكيل .