قصة الزيزونة و المتملك💋
By:SouadElyoussfi
الحلقة :8
ليلى ببتسامة : ميساء بنتي شني كديري .
ورات ليها ميساء ورقة وقلم كانت كترسم فيهم.
ليلى شافت جيهة خزانتها : كملت حوايجك.
حركات ميساء راسها بأه .
مشات حلات باب لبلاكار لقاتو عامر بحوايج ميساء كلشس مستف بطريقة زوينة سراول بوحدهم لقوامج ولكساوي معلقين وتيشورطات مطوين بوحدهم .
سداتو وضارت عند بنتها مبتاسمة .
شافتها منزلة راسها لتحت على ورقتها وعينيها باينين فيهم حزن واضح.
قربات عندها مبتاسمة تحنات جلسات حداها على زربية لي كانت بلون لوردي لفاتح مرشوش بلأبيض .
جلسات حداها وبدات كدوز يديها على شعرها رطب ومنزلة راسها لوجهها .
ليلى مبتاسمة بحنان : بنتي لغزيولة مالك شني كاين كضرك شي حاجة ها.
حركات ميساء راسها بلا بمعنى مكاين والو وراسها باقي حاني عينيها تغرغرو بدموع .
حولات ليلى ملاميحها لحزن وهيا كتشوف فكبدتها عينيها تغرغرو رفعات ليها راسها .
ليلى كتمسح ليها تحت عينيها من دموع لي نزلو ليها وكتشوف ليها فعينيها نيشان : قولي ليا مالكي أبنتي ها كتخبي على ماماك ( بتشديد لميم ) شني كاين .
ميساء دمعو عينيها ونزلت شدت ورقة وقلم وكتبت ليها .
ميساء حانية راسها على لورقة : معرفتشي أماما ( بتشديد لميم ) ولكن مولفتشي هنا ولفت دارنا لي فطنجة .
عطاتها لماماها قراتها ليلى وبتسمات بحزن وحطات يديها على راس بنتها كدوز على شعرها رطب .
ليلى كتشوف فعينيها بكل حب وعينين ميساء كيبريو بدموع عطاهم جمالية خاصة : ميساء بنتي راه تانايا مزال مولفت وليوما أول نهار عندنا هنا شني قلنا ياك قلنا نتحداو كلشي على قبل باباك اولا.
رفعات فيها ميساء راسها ومسحت دمعتها لي طاحت من عينيها بتسمات ليها تتغمضو عويناتها وبرزو غمزاتها فحنيكاتها .
حطات يديها على يدين ماماها وغمضات عويناتها ورجعت حلاتهم وهاد لمرى كيبريو بلفرحة .
وفقلبها كتقول: انا معاك اماما نتي وبابا هما حياتي اندير لمستحيل على قبلكم❤.
ليلى ضحكات تتسدو عويناتها بحال بنتها وبرزت غمزتها فحنكها ليسر وعنقات ميساء ليها بكل حب باست راسها : هادي هيا بنتي حبيبتي لي كنبغي موااااح ( باستها فحنكها بجهد ) .
أنت تقرأ
🥀قصة الزيزونة و المتملك🥀( متوقفة لاسباب شخصية❤ )
Fantasyقصة الزيزونة والمتملك💋 ⚡تأليف : سعاد اليوسفي⚡
