🥀قصة الزيزونة و المتملك🥀( متوقفة لاسباب شخصية❤ )

الزيزونة و المتملك 💖( الحلقة :24 )

قصة الزيزونة و المتملك💋
By : SouadElyoussfi
الحلقة : 24

دازت سيمانة بضبط كلها حب وفرحة ثائر ممخلي ميساء تحتاج تحاجة وكلشي لاحظ تعاملو معاها منهار شافها ولات على ذمتو ولات على اسمو واخا ماشي فلوراق ولكن يكفي ينطق بيها هو لي بغاتها كيخذها ليها فلحين ديما معاها حنين ولكن فاش كتزبلها كيكون معاها قاصح شوية واخا فقلبو ميقدرش ايقسح معاها حيت دغيا كتبكي ليه عشقها بكل معنى الكلمة لدرجة الحب لي كيحسو تجاها تحول لتملك وهوس ميقدرش اتفارق معاها دقيقة وتا من واليدين ميساء عارفينو معاها وكتجيهم عادي حيت ثائر كبير على ميساء بزاااف وكيحسبوهم بحال خوت وتافاش كيشوفوهم مندامجين كيبتاسمو بحب حيت ميساء شحال كانت باغى اخ وديما كيقولو الله عوضها بثائر ( هدشي لي كيقولو هما ومعارفينش أش مكتب الله ولمستقبل جاي بأقدار اخرى ) .

كانو جالسين فصالة ميساء وسيدرا وتا ليان ولليان كيلعبو لعبة النطق بدون صوت وكان دور ديال سيدرا  حكات شعرها كتفكر دغيا ضحكات وبدات كتحرك فشفايفها وبدون صوت ولبنات مركزين مع شفيفها .

ليان : عصفور .

لليان مصغرة عينيها وحكاتهم من تحت نظاظر : صَافْصُوفَتُونْ .

ليان ضات عندها بديك نضرة دمنيتك؟؟ :نعام صافصوفتون تي واش منيتك .

لليان بغباء حركات راسها بأه : اه راه هاكا قالت شوفي فيها .

ضارت ليان وشافت فشفايف سيدرا مصغرة عينيها : س سس س سسَارْوَااالُووونْ.

لليان : س سسوو سُوتْيَاانُونْ.

ميساء كتسمع ليهم وكتموت بضحك شادة فكرشها وكضحك اما سيدرا فضربات جبهتها وزفرات من كمية لغباء لي فهاد لخليقة لي بلاهوم  بيها الله .

هزات ميساء كارني ديالها وستيلو ديالها وكتبات ( سَامْبُوسَة ) ومدات لكارني ل سيدرا لي قرات وضحكات دغيا قلباتها تخنزيرة وضارت شافت فلبنات لي وحدة كتضور عينيها فثانية .

سيدرا ضارت ورات ليهم لكارني :شفتو واااش شفتو؟؟؟هادا هو الجواب ونتوما عقلكم غير فإنّ و أخواتها معايا جون ومايا خليفة شخصياً ( شيرات لليان بيديها ) نتي بدوك نظاظر غير مايا خليفة خاصك غير شوميز دونوي واخا غيطيح ليك معليش قْدي بشي تفاحات وخوخات خشيهم تماك اما نتي ( شيرات ليان ) غير شي تصليعة  جون فاش كان صغير فيماتو معرفتش علاش كانت كتوحم طاطي تولداتكم وحدة مطلصة على لخرى .

ميساء كتسمع ليها وكتموت بضحك شادة فكرشها وكضحك شوية سمعات شي طموبيل صوتها هزهز لقصر لي غير من صوتها باينة فيراري دغيا ناضت كتجري وشعرها موراها كيتجرجر موراها خلات سيدرا كتعيط عليها وهيا غادة كتجري كضحك توحشات تشوفو توحشاتو بزاااف نهار كامل مشافتوش حلات باب القصر وخرجات كضحك غادة جيهتو كتجري .