قصة زيزونة ولمتملك 💋
By: SouadElyoussfi
الحلقة : 15
جلسات ميساء وسطهم كدور فعويناتها وحنيكاتها حمرين .
تنطقات مريامة كتشوف فيها كتشوف فيها ببتسامة مزينة وجهها.
مريامة : شكون نتي أبنتي .
تزيرات ميساء ومحملاتش راسها عينيها تغرغرو بغات تنوض ولكن حشمات .
كلشي لاحض ردت فعلها حسنا غمزات ختها لي بقات كتشوف فيها مفهمات والو وزوجها كذالك مفهم والو.
ولكن ماشي كثر من ثائر لي شاف ف ميساء بجنب عينيه شافها كيف مزيرة على كسوتها عاضة على فمها وعينيها دمعو .
عينيه ضلامو محملهاش تبكي خنزر فختو تبقات غير كتشوف فيه واخا كيحتارمهم بزاف ودايرهم فمقام مو لله ايرحمها ولكن فاش كيتعصب مكيعقل على حد .
ثائر بحدة : نوضو تعشاو .
ضحكات حسنا وناضت لي تفادي لإحراج
حسنا شافت فختها : نوضي أمريامة نشوفو فين وصل لعشاء .
شافت فيها مريامة يالله جات تهضر وهيا تغمزها حسنا .
ناضت تبعات ختها كتفهمها .
ولباقي شي كيشوف فشي تهضر لحاج لي فرحان بولدو .
لحاج عبد لمالك : فقاش جيني أولدي .
ثائر بنبرة روجولية ومرى مرى كيرمي عينيه لميساء لي رجع لون لوجها .
ثائر : قبيلة .
لحاج عبد لمالك : ايوا مزيان مزيان ملي جيتي تجمعتي مع عائلتك .
بتاسم ليه بتسامة خفيفة وشاف فميساء.
لحاج عبد لمالك : غتكون تعرفتي على ميساء .
شاف فيه ثائر بهدوء ورجع نضرو لميساء .
لحاج عبد لمالك : هيا بنت سي علي شيفور ديالي راك عارفني مكنحمل لي يصوق بيا من غيرو خدمتو متقونة ماشي بحال لخرين غادين فطريق كيطيرو .
ثائر مجوبوش غير كيشوف فميساء .
أما ميساء كان لله لي عالم بيها ممرتحاش فلجلسة .
الحاج عبد لمالك ناض شاد فعكازو وشاف فيهم.
الحاج عبد لمالك : أنوض نصلي لعشاء.
أنت تقرأ
🥀قصة الزيزونة و المتملك🥀( متوقفة لاسباب شخصية❤ )
Fantasyقصة الزيزونة والمتملك💋 ⚡تأليف : سعاد اليوسفي⚡
