قصة الزيزونة و المتملك💋
By : SouadElyoussfi
الحلقة : 16
بقاو كيلعبو سؤال جواب .
ثائر مصغر معاها عقلو واخا بطبعو معندوش مع هدشي ودغيا كيتعصب دمو سخون.
ولكن معاها كيحاول يصغر عقلو ويضحك معاها باش تولفو ومتبقاش خايفة منو وتطلق معاه ويعجبها لحال .
مرى تسولو هيا مرى يسولها هوا وبطبيعة لحال هيا كتكتب ليه فورقة وهو كيهضر .
بقات كضحك تجاتها لي مكتعلم ( دورة شهرية ) وتزيرات بقات غير شادة كرشها من لتحت ورجع وجهها حمر .
وبطبعها كاتجيها خاااايبةةة بزااااف بلبكا وشحال من مرى مشات بيها لطبيب مع باها .
لاحظ ثائر وجهها لي حمر وكمش حجبانو .
ثائر : مالك .
رفعات فيه عويناتها وحركات راسها بلا وهيا كتسرط فريقها ولوجع بدا كينغزها من تحت كرشها.
شاف فيها ثائر بتمعن وعرف شي حاجة ضراها غير من وجهها وليد لي شادة بيها كرشها .
ثائر بحدة : قربي عندي .
شافت فيه كترمش بعويناتها وهيا عاضة على فمها .
وقربات عندو شوية ولألم كيجهاد عليها حبسة لبكية بزز وشي حاجة كتحس بيها تحتها نازلة .
ثائر منزل راسو عندها حط يدو على يدها لي شادة بيها كرشها وهضر بحنان روجولي .
ثائر : كيضرك هنا .
حركات ميساء راسها بلا ولعرق بدا كيهبط مع جبهتها ومزيرة على كرشها .
هز ثائر حاجبو ومد ليها ورقة وستيلو .
ثائر : كتبي هنا سررربييي.
تخلطات عليها تحشيما مع لوجع هزات لورقة وستيلو وبدات كتكتب سلات وحطات لورقة فقها ستيلو .
هز ثائر لورقة غير قرى وهو يوسع عينيه وشاف فيها .
ثائر : ليغيكل.
حركات راسها وحنيكاتها تزنgو .
ثائر هز تيليفونو : غنعيط لطبيب.
ميساء حركات راسها بلا : أنن اهىىىء اهىىىء😢😢😢.
هزات لورقة وكتبات فيها : ماما.
أنت تقرأ
🥀قصة الزيزونة و المتملك🥀( متوقفة لاسباب شخصية❤ )
Fantasyقصة الزيزونة والمتملك💋 ⚡تأليف : سعاد اليوسفي⚡
