🥀قصة الزيزونة و المتملك🥀( متوقفة لاسباب شخصية❤ )

قصة الزيزونة و المتملك💘( الحلقة : 12 )

قصة الزيزونة و المتملك💋
By:SouadElyoussfi
الحلقة : 12

ميساء بدات كتخايلو شي بو كرش وشلاغمو كبااار وطواااال ولحيتو طوييلة تلكرشو كيخلع.

سرطات ريقها بخوف ودغيا نفضات راسها من هاد لخيال لي خلعها .

وشفات فسيدرا لي عقدات حوجبها مخنزرة .

سيدرا شافت فميساء مخنزرة : عقلتي على هديك لي دفعاتك على قبل ديك لقطة ( عيبات صوتها ) ليلي ديالي متقيسهاش نانناناانا حقيرة .

دورات راسها شافت ف ميساء كضحك ودغيا رخات حجبانها وبدات كضحك تاهيا .

سيدرا : هههههههه ولله مكنحملها ( رجعات عقدات حجبانها دغيا سلامة هه ) عرفتي هيا لاصقة فخالي بزز وهو مكيبغيهاش وهيا لاصقة فيه هو كااع ممعبرها جات لمغرب غير على قبلو ولكن هو مجاش معرفتش علاش تفو مكنحملهاش حيت كضل تفيش بخالي على صحباتها كتقول ليهم ثائر كيبغيني نينيني وهو مكيحملهاش فين ممشى كتبعو ولكن عرفتي كتخاف منو بزاااف هههههه حيت واحد لمرى شدها عطاها قتلة ديال لعصى حيت عيرات ماما قالت ليها نتي شارفة عرفتي سمعها غير بصدفة قتلها بلعصى ولات غير كطلب فيه ايخليها كون ما ماما لي فكتها ولله تيقتلها حيت خالو ثائر عزييييزة عليه ماما بحال ماماه وتا هيا كتعتابرو ولدها .

بتاسمات ليها ميساء بحب .

منكثرة ما عودات سيدرا لميساء على ثائر ولات باغا تشوفو ومتحمسة .

سيدرا ربعات رجيلاتها وساطت بطفولة : أففف لملل شغانديرو دابا أمممم.

بقات كتشوف فيها ميساء حيت تاهيا قتلها لملل وتا باش تبقى تجاوب مع سيدرا معندهاش صوت وأصعب شيء هو يهضر معاك شخص ونتي متقدريش تجوبيه حيت ببساطة صوت معندكش أو عندك ولكن مخبي ميساء كدوز من أصعب وأسواء لأيام كلشي بين أيادي لله متعرفي غدة وتفيقي تلقاي شي حاجة كانت نقصاك فقتي ولقيتيها فيك داكشي علاش الله كبير .

سيدرا حدات يديها على فك وجها كتفكر وشافت ف ميساء : كتهرف تلهب درازا ( كتعرفتي تلعبي دراجة ) .

ميساء لمعو عينيها وحركات راسها بأه دغيا كفاش لا وهيا من هوياتها لعب دراجة وباباها من صغرها وهو كيعلمها تلعبها .

سيدرا بحماس ناضت : ههههه صافي نوضي علميني حيت انا مكنعرفش عيت نتعلم أو والو هههههه.

ناضت ميساء تبعاها بحماس وعينيها كيبريو بلفرحة .

توجهات بيها سيدرا لور ديال لقصر كان على من كل دراجة بغيتي ولون لي بغيتي وتا دراجات نارية كاينين .