معاني الحب ❤️

الفصل الثامن

طبعًا بعتذر جدًا عن التأخير فكتبتلكم بارت كبير يا رب يعجبكم مستنية آرائكم .. بالتوفيق❤️

💐💐💐💐💐💐
تجلس رضوي أمامها تنظر إلي نور وفي عيناها تترقرق بدموع حزينة علي حالها لقد مر ما يقرب من الشهر علي غيبوبتها وقد أكد الأطباء علي سلامة مؤشراتها الحيوية وجسدها قد تعافي من الحادثة فلما حتي الآن لاتستيقظ .. فارجع حالتها بعض الأطباء أنها هي من لاتريد الاستيقاظ وتريد الغرق في عالمها اللاوعي الذي بالنسبة لها أفضل بكثير مما عاشته في الواقع من آلم ..

تخطت دموعها حصار جفونها لتروي بها وجنتيها ليتحول لبكاء بعنف وهي تتكرر ماتفعله كل يوم وتتحدث بآلم وبشهقات من بكائها : أعم..ل إي..ه ع..شان تصحي ... حاول..ت بكل ..الطرق عش..ان  أرضي..كي  لدرج..ة .. إني  خلي..ت عم ..فوزي   يعمل.. لك  واحدة عشا..ن تشت...غلي ..بحاول .. أجم..ع الفلو..س عش..ان أدفعلك .....الايج..ار عشا..ني قو..مي. ..

وإنفجرت ببكاء عنيف وهي تسند رأسها علي يد نور وتبكي بعنف حتي طرق الباب الممرض يعلن موعد انتهاء الزيارة لتنهض وهي تجفف دموعها وتشهق بين الثانية والاخري متجهة لبيتها ..

💐💐💐💐💐💐💐💐

آسر بزهق ومحاولة اقناعها : يا تيتا ما أنا لازم أروح المكتب مش هفضل أتابع شغلي من هنا وبس لازم أنزل المكتب وكمان عندي قضايا مش هفضل في البيت يعني ..

الجدة بجدية وصرامة : لأ قولتلك لأ يا آسر لو أنت مايهمكش حياتك ومتهور بالشكل ده يبقي أنا هعرفك ازاي تحافظ عليها وتقدر خوفي عليك وأهمية الناس اللي في حياتك والخوف عليك ازاي لكن تهورك ده وقلة مسؤليتك زاد اوي عن حده ..

آسر برزانة محاولة اقناعها : يا تيتا أنا عندي واحد وتلاتين سنة مش طفل يعني بعرف أهتم بنفسي أحميها كويس اوي ، لكن مش عشان ناس بتهددني وبتهدد وبس ومافيش في إيدها غير كده يبقي أنا ماشي صح يعني بدل ماتشجعيني تقفي في وشي .. دي مش أول مرة ودايمًا بفضل ربنا عشان بكون مع الحق بكون أنا الكسبان

الجدة بغضب : أشجعك هو أنت عبيط ولا بتستعبط يا آسر ناس حاولوا يقتلوك ويقتلوني وربنا سترها ..

وأكملت بعصبيه : وبردو مش عايز تهدا غير لما يكون فيها موت ..!

آسر بغضب : أنا مش خايف منهم يا تيتا ومش جبان عشان أهرب طالما بيعملوا كده يبقي ماشي صح وقربت أجيبهم الأرض.

الجدة بسخرية : تجيبهم ولا هما إللي هيجبوك الأرض ومافيش فيك روح ..

وأكملت بهدوء نسبي محاولة اقناعه وعدواه عن رأيه : مش البوليس متابع وأنت بتقول قربت تخلص طيب ماتخليه هو إللي يكمل ؟؟ عشان خاطري يا آسر عندك .. لو غالية عندك اسمع كلامي وماتقطعش قلبي عليك .. الرصاصة المرة دي في ايدك لكن المرة الجاية هيكون هدفهم الموت ..