معاني الحب ❤️

الفصل العاشر

رضوي بغضب وهو تنتشل منه الملف : مش عيب عليك يااستاذ تفتح حاجة مش بتاعتك .. لا وكمان بتقرأه

عم سيد بصوت عالي : رضووووي .. ايه قلة الادب دي حصل ايه اكل ده وبتكلمي مع استاذ اسر كده .. ايه مافيش احترام ..

رضوي بدموع : ده كان تحت شنطتي ومهم
عم سيد بصوت عالي : شنطتك غرقت هي والملف وأنا اللي قلته يحطه في الشمس وحتي لو مش أنا وكان هو تتكلمي مع الراجل كده وتهزقيه مش عييييب ده ..

رضوي بحزن ودموع : يابابا ده كا......
قاطعها عم سيد بصوت عالي : بس مش عايز اسمع ولا كلمة ولاتبرير اعتذري للاسر بيه حالًا

اسر بنفس عزيزة وهو يستأذن بعدما تابع كلامها له بجمود: مافيش داعي ياعم سيد أنا همشي .
عم سيد : لأ يااستاذ اسر استني .

ولكن الاخير كان قد غادر سريعًا دون رد ..
كاد عم سيد أن يؤنبها علي مافعلت ولكن رنين هاتفها قاطعه فردت بصوت حزين
رضوي بحزن : الو...
المتصلة : آنسة رضوي معايا ؟
رضوي : أيوه أنا .. مين معايا ؟
المتصلة : أنا ايمان سالم سكرتيرة مستر اسر عز الدين .. يبلغك ان السي في بتاعك اتقبل ومعاد مقابلتك بكرة ..!!

تمشي متوترة تحاول تهدئة نفسها والتركيز والهدوء للإجابة علي الاسئلة بثقة لتربح الوظيفة فعندما كلمتها تلك السكرتيرة أن تؤجل المعاد يوم أو اثنين ولكن السكرتيرة كانت مصرة علي ذلك الوقت أو الالغاء نهائيًا فاضطرت للمجي ..

السكرتيرة برسمية وهدوء : آنسة رضوي .. يا آنسة ..
انتبهت رضوي من شرودها : نعم ؟
السكرتيرة بنفس التعبير : دورك ..
نهضت بتوتر وهي تضغط علي الملف بيدها تستمد منه القوي ..
ودخلت حياها وهو مازال ينظر في الملف ..
آسر :اتفضلي اقعدي يا آنسة ..
ما أن سمعت صوته حتي تأكدت من شكها .. كنت تشك بنسبة ١ بالمائة انه ليس هو عندما رأت شكله لكن عندما تحدث تأكدت ...
أغمضت عيناها باحراج من الموقف وهي تتمني أن تنشق الارض وتبتلعها ..
عندما لم يجد رد فعل أو تنفيذ وماتزال جالسة .. رفع رأسه : اتفض.....
قطع كلامه بحدة : هو انتي؟؟ .. بتعملي ايه هنا ؟؟
رضوي : أنا معرفش أن المكتب بتاعك ؟؟

اسر باستخفاف وسخرية : وابوك مش عارفة شغال عند مين ولا حتي السكرتيرة قالتلك الاسم وهي بتقولك المعاد !
رضوي : مصدق أو لا مش مهم .. اينعم أن معرفش اني جاية عندك عشان لو عرفت مكنتش جيت ..

آسر بنفس التعبير والنبرة : أتاري السي ڤي ده مش غريب عليا ؟؟
رضوي برعب حبسته وقالت بنبرة تكاد تكون عادية : مش غريب إزاي يعني ؟

اسر باستخفاف : يعني قريب أوي من بتاعك صاحبتك ..
وأكمل بفهم ونظرة دونية : أنا كده فهمت .. أنتي مخبياه عشان تنجحي انتي وعشان كده عايزة تقدمي في الوظيفة بدالها وعاملة نفسك خايفة عليها وبتحبيها وانتي مش بتحبي غير نفسك ومش عاوزة ليها الخير..