معاني الحب ❤️

الفصل الثاني عشر

متوترة تقدم قدم وتؤخر اخري فمنذ اخر لقاء بينهم في مكتبه لما تراه أو تتعامل معه مرة أخري ولكن يجب عليها هذه المرة لأجل المال فقط

طرقت الباب حتي سمعت صوته يأذن بالدخول ..
ودخلت وهي تضع عيناها أرضًا حرجًا من الموقف..

رفع رأسه من علي الاوراق يطالعها باستغراب : في حاجة يا ريهام ؟؟

ريهام بنفس التعابير : كنت عايزة أطلب طلب
اسر بعدم صبر : بدون مقدمات او سمحتِ يا ريهام عشان مش فاضي ..

ريهام بإحراج واستئذان : خلاص مرة تانية عن إذنك والتفتت بنية الخروج ولكن أوقفها ..

زفر ثم تحدث بهدوء : أنا بعتذر خلاص قولي إللي عايزاه براحتك .. ها عايزة إيه

ريهام بإحراج: عايزة ٥ مليون .
اسر باستغراب : ليه ده كله ؟
ريهام بنفس التعبير وهي تغمض عيناها : ناس ليهم عندي فلوس ؟

اسر بفهم : اممم فهمت .. بصي هقولك كلمتين أنتِ زي أختي وعايز مصلحتك فبلاش سهراتك كل يوم دي ولعبك القمار صدقيني مش كويسين ونهايتهم وحشة

ريهام بندم : أنا خلاص مش عايزة ألعب تاني بعد احساس إن حد يهددك عشان ليه عندك فلوس أو حتي إنك عمال تدور علي حد يسلفك احساس وحش وذل ومش عايزة أحسه تاني .

اسر بتعقل : بس أنتِ عارفة إني مقصدش وإنك زي أختي عشان كده بنصحك

ريهام : عارفة

اسر بتذكر : مين بيهددك ؟
ريهام بخوف : مش عارفة والرقم مش بيظهر وبعد ما اتفقت علي شهر اتصل وخلاها آخر الاسبوع ده يا إما هيقتلني

اسر باطمئنان : ماتخافيش أنا معاكِ بس ماتعرفيش اسمه .. أي معلومة عنه؟؟

هزت رأسها نافية .. فتغاضى عن الاحباط الذي أصابه حتي لا ينعكس عليه فيشعرها به .. وقال باطمئنان : طيب .. هاتي تليفونك وريني الرقم المجهول وسبيني واخرجي وأنا هتفاهم معاه وملكيش دعوة بالموضوع ده تاني خلاص هيكون عندي وخرجي نفسك منه وأنا هحله .. وتابع وهو يمد يده : يلا هاتي تليفونك؟

فعلت ما أمرها به وتركته وأغلقت الباب ورائها وبعد رنين طويل وبمجرد فتح المكالمة ضغط علي زر التسجيل ..

الشخص بعصبية وصوت عالي: أنا مش فاضي للعب العيال بتاعك ده .. أنتِ فاكرة لما تكلميني وتتحايلي عليا خلاص هتصعبي عليا مثلًا وهاخر المدة .. طب إيه رأيك بقا عشان زنك ده هيبقوا ٦ مليون وعايزهم بكرة .. وأكمل بتهديد : وأنتِ عارفة لو اتاخرتي هيحصل إيه ،
وأكمل بسخافة : سلام يا رورو .

اسر بجمود : أنا مش رورو ياوحش داخل جامد اوي وطايح في الكل ولا اكنه بيت أبوك .. إذا كان علي فلوسك فهتاخدها علي الجزمة القديمة بس هعرفك وهندمك علي الطريقة إللي بتتكلم بيها دي مع إللي يخصني ، شكلك ماتعرفش اسر عز الدين .
وأكمل بتهديد :وهي كلمة وملهاش رجعة لو اتصلت هنا تاني أو حتي عرفت إنك جيت ناحيتها ، لهعرفك مين اسر عز الدين علي حق

الشخص بسخرية واستهزاء : هو المفروض أعمل ايه ، استني استني هو المفروض أخاف ، طب عيد تاني عشان ملحقتش أعمل حسابي ،
وأكمل بنبرة واثقة : مش أنا إللي يتقالي أعمل إيه ومعملش ايه يااااا مش فاكر قولتلي اسمك ايه ، حاجة فيها "ز" أو "س" مش فاكر ، وقتي مش فاضي .

اسر بجمود : هتعرف أنا مين وهفضيلك وقتك كويس أوي بالمكالمة إللي معايا بصوتك والمحضر إللي هينور باسمك لما اجيبك ومعايا الدليل وهعملك تشكيلة قضايا من إللي قلبك يحبها يخليك تفرق بين "ز" و"س" وماتنساش "اسر عز الدين"
وأكمل بسخرية : سلام يااا آه افتكرت وحش

💐💐💐💐💐💐
لقد مر يوم منذ إفاقتها بالامس من قمة الظلام التي كانت تبتلعها المعروفة بالغيبوبة ولكن حتي الآن مازالت رضوي كما هي .. تتجنب الحديث معها وإذا وجهت لها نور حديث تتفادا النظر لعيناها ،متوترة ، هناك شي يؤرق بال زكرضوي وسكوتها وذاك شي متأكدة منه نور ، مازال ذلك يحيرها ما الذي حدث وماذا تخفي صديقتها عنها ، ولكن لن تنتظر أكتر ستواجهها وليكن أفضل بكثير من حالتها تلك .
دق الباب ودخل الطبيب النفسي الذي كان له الكثير من الفضل والشكر بعد الله عز وجل في تحسن حالتها
دخل بابتسامته المعتادة :
اياد : صباح الخير أخبارنا ايه انهاردة ؟
نور بابتسامة : الحمد لله الفضل بعد ربنا ليك شكرًا حقيقي ، بس أنا عايزة أخرج حاسة اني خلاص بقيت كويسة ومش محتاجة المستشفي وبقلبي كتير فيها زهقت .

اياد : حاضر هشوف هعمل ايه من الموضوع ده .. وأستأذن تاركًا الأخيرة تنهض لتقوم بتجهيز اشيائها للمغادرة وخطر علي بالها حالها الذي لم تنسي ظروفها منذ أن أفاقت ماذا ستفعل والحضانة لم تعد تعمل بها والشقة استردها منها مالكها ولايوجد معاش أو شي . بعد سقوط قطرة من دموعها علي خدها أفاقت فهي لم تكن تدري حتي من الأصل إنها تبكي ولكن لن يستمر الأمر علي ذلك المنوال لأ ، مسحت دموعها بعزم ولن تندب يكفي ما حصل وسنتركها علي الله وتبدء بحال أمورها بدل من البكاء عليها دون فائدة فالبكاء لن يرجع الماضي أو يعدل الحاضر بل يزيد من الهموم ويثقل القلوب .

وعند هذه الفكرة فتح الباب ودخلت رضوي فتذكرت أمرها وعزمت علي وضع النقاط علي الحروف :
نور بجمود : مخبية ايه عني يا رضوي ؟!!

💐💐💐💐💐
وفي الختام : اللهم اعنا علي ذكرك وشكرك وحسن عبادتك❤️