بعاينلو من قنب على عنقريب جدي وبحدرلو زين سوالي حركة كدي بحواجبه ويغمض عويناته الصُغار ويتبسم..ماني خابرة بس قليبي ده دل دل يضرب زي الساكيهو كلبً سعران...لمن جدي أداههم كلمتو..الشاب يعاينيلي وحالف يمين عويناتو ما ينزلن مني..اها شربوا شايهم ونسواننِ يزغردتن ساااكت..أصبرن القال ليكن انا موافقة منو..مش ياهو جدي ده والله ما بخليني أعرس إلا أقرا جامعه..نط يا جدي التاكله عليك همي وقول :- إني أديتكم بنيتي بس شرطاً تقرئيها الجامعه يا ولدي لمن تمسك شهادتها..يا كدي يا تخليها عندي..نط الشاب وكمان مبتسم :- موافق يا جدي❤...هييي أصبر كدي موافق شنوو..يعني أنا نعجه م عندي كلمة ولا شنو..ولا أنت ح تعرسني بدون تخبر راي...سعاد صحبتي نطت وقالت السكوت علامة الرضا..حبوبة قومي فوق وزغرطي وقولي:- الضغط عالي عندي الايام دي..أعقدوا ليهم سرعة سرعة قبل ربنا يشيل أمانته.....هييي يا حبوبة استغفر الله منك الموت بعرفلِك عقد بت ولدك ولا بشيلك إن جا يومك...ابو الشاب طوالي قال:- الاسبوع الجاي يوم الجمعه العقد يتم يا حاج الطاهر...
هييي يخوانا انا البعرس والله مو حاج الطاهر مو هووو..💔
