اها البنية حضنته لعبد السلام بس هو ما عبرا...زحت منو وعاينت لي بحقارة كدي واستعلا وقالت:- هاي..قولتله :- هههاي "ضحكه"..عبد السلام انفقع ضحك وهي بس تحمرلي من فوق لتحت..شككتني في روحي..قولتله:- اتي منو جاية خاشة بلا استئذان وعلى العليك حضنتي لعبد السلام..قالت لي:- أممم انا جيهان بت خالتو..وانتي طبعا زوجته معروفه..المهم يا سيم جيت أشوفك م تتخيل اشتقت ليك كيف...قولتله:- تشتاقلك العافية..عبد السلام قال ليها:- والله يا جيهان ليك وحشة..وينك مختفية وناس خالتي كيف؟؟..قالت:- تمااام نحنا تمام..شكلي كده جيت في وقت ما مناسب..ح انزل أتونس مع خالتو سلمى واسيل..لما تفضى انزل مستنياك أوكي!!...مسكتا عبد السلام من كوعو وقولتله:- حصل شفتي ليك عريس تاني يوم فاضي لزولاً غير مرته...أنزلي شوفي خالتك أحسن...طنطنت كدي ومرقت من أوضتنا..."اي أوضتنا مالكم"...عبد السلام تربس الباب قلبي عمل ددددل سمع اضاني ما بكضب انااا...قولتله:- قافلو ليه..قال لي:- ساي بس..عشان ماف زول يجي داخل تاني بدون يستأذن..احم احم..قولتله:- الاحم شنوو..داك جك الموية مليااان..اشربلك كباية بل ريقك الناشف ده...قال لي:- أنا ما عطشان..وكان بعاين لي مبتسم..قلت في قلبي "نسيت أتأكد اذا الجنا ده عندو مرض نفسي ولا لا يتبسم زي كلب الحر كدي💔"...قولتله:- اتَ ااا عبد السلام بتعاينلي وتضحك كدي في شنوو؟؟..قال لي:- مبسوووط منك بس والله❤...قولتله:- عان خلاص انا جعتا يا اللخوو..قال لي:- طيب ح انزل اجيب ليك اكل وارجع..مسكتو وقولتله:- لالا م تنزل..بت خالتك ولا منو ديك تلقاها مستنياك تحت عشان تحضنك..هوو الحضن هيين كدي عندكم..والله أكان جدي شافا كان شلخ شدوقهاا..الود ضحك بصوت عالي...بعد مزاجي انعدل خليتو ينزل..بطني بقت تكورك وتعمل اصوات غريبه هااا المفضوحه التقول عمرك كله ما أكلتي💔💔
اها الاكل الجابو لي كله ما عرفته..اتوكلت بس واكلتاا..مع كلو لقمة أبكي..أكل حبوبة يا حليلوو💔 حليل البت سعاد التلقاها قاعده ليها تحت شدرة ولا ماسكالا شفع تدقهم النهار كلو باقي هي جنها تدق الشفع...المساء كدي تاني استحميت..جات نسيبتي خاشة اللوضه وبتقول :- عبد السلام..يا عبد السلام...لقتني في وشها..قولتله:- عبد السلام ده مرق من قبيل ومو خابرة وين فات...قالت لي:- نعم!!...المهم..غرفتكم دي ليه مبهدلاها كده..معقولة مما جيتي ما نضفتيهاا..قومي سرعة لمي الملابس اللي على السرير ده وفرشي ورتبي المكان..والميك اب..يا ربي..ده شنوو مطلعاهو كلو وراصاهو كده..قولتله:- بدور اتجيه لزوجي قره عيني...عاينت لي وهزت راسها وطلعت اظنها بتستغفر...نسيبتي باين عليها مؤمنة...بعد عبد السلام جاا..وشو كيف كيف..اظن أمه شاكلته..رتب اللوضه وفرش السرير...كنت بسوي لي في روجً لونه أحمر...بعد انتهيت مشيت لعبد السلام جنب شباك عريض كدي..قولتله:- خيير أمك شاكلتك ولا مالك ؟؟..قال لي:- هههههه لالا أمي ما شاكلتني..شوية مشاكل في الشغل ما تشغلي بالك..المهم انا حابب اسمعك..أحكي لي عنك❤..قولتله:- احدثك بشنوو..؟؟..قال لي:- مثلاً ليه قاعدة مع حبوبتك وجدك مع إنو أمك موجودة وابوك واخواتك؟؟؟..قولتله:- أني مدفوعه لحبوبة من عمري ٦ سنة..عشان اخدمها وكدي..ومن اليوم داك بقيت بتهم بعد عرسوا لعمامي وعماتي كلهن..لمن أمشي على ناس يمة ما بقدر أقعد كتير..الشوق لحبوبة بقطع قلبي💔..فكرتا كدي لقيتو مبتسم....
علو في مرض نفسي بخلي الزول يتبسم طبيعي وانا ما عارفة💔💔💔
#يتبع
