رزان ضحكت وقالت لي:- م جلسة شياطين ولا شي..اقعدي نشرب القهوة ونطلع طوالي..قولتِله:- نان دي جلسة ملايكة!!!..شياااطين وما طالباني حليفة..قومي ارحكاكي سرعة...نون قالت لي:- طيب طيب اشربي فنجان واحد بس وامشي😂...شربتا الفنجان على طولي..جات الاسمها رؤى تتقدل متل الزرافه وحيلها مييت..قولتله:- اسع اتي بتسوي في روحك كدي ليه..خلاص خليتي كلام ربنا كلو كلو قبلتي على الشياطين...النسوان انفقعن ضحك..قولته لرزان:- يلاااكي بالله..بدور اصلي المغرب بدري بدري واسوي العشاا لعبد السلام...قالت لي:- يا بت الراجل ما بدلعو كده..انتي عشان لسه شافعه العرس ليك حلووو..قولتِله:- عمري سبعتااشر سنة والله ماني شافعه..وحلات الدلع في الراجل..أتي بس قولي مضوقة بعلك المُرة..بقت تضحك ومرقنا..مع دخلتي البيت المغرب اذن..لقيت عبد السلام مارق من الحمام وشال إبريقه وداير يتوضا..قولتله:- عبد السلام..قال لي:- عيونو❤..قولتله:- أكان صغيرة زي عويناتك ديل كنت شفتني..عيونك التقول شارطنها بموس استغفر الله لو ما خلقة ربنا بس..قال لي:- كويس القلتي خلقة ربنا 😂😂😂..طالع أصلي وجااي..فرشي الحوش كويس..قولتله:-سمح...
اها بعد صليت فرشت الحوش ورشيت موية في الرملة..الواطة بقت بااردة والهمبريب برد لي حشاي..عبد السلام جااا خاشي لقاني بسوي في العشا.."لبن + عيش زي نظام الشوربة كده طعمه حلو جداً"...قال لي:- ده العشا؟؟..قولتله:- أيااا..دقيقين مافي ويكون قدامك..ختيتو في الصينية ووديتو ليهو...اتعشيناا..وخلاص جينا ننوم..الا عبد السلام قال لي:- إيناس..م نفسك تغني لي...قولتلك:- هيي انت سمعت سعاد قبيل ولا شنوو؟؟..بغنيلك بس إن ضحكتا علي ماني عافياالك...قال لي:- طيب طيب..يلا سمعيني...
قولتله:-
عـــفـوا
جعفر السقيد
انـا قلبى شـان يـنـسـاك دايرلو تانى زمن
عـفــوا حـبـيــب قـلـبـى ما انت لى وطن
انـا قـلـبــى ذنـبــه شنو عودته انت عليك
عـلـمـته يبكى ينوح يوم ما يشوف عينيك
وكـتـيـن مـلـكـتـه خلاص فريتها لجنحيك
خاطبته بـاسـتـبـداد قـلـت لـيـه اختار ليك
هو الصبار المسكين راجى الليالى تروق
لا كــلا لا مـــلا لا عــــاتــــب المعشوق
كل الـقـدر قـالـو يــانــــاس كتلنى الشوق
والـضقته فى دنياى ما ضاقه قط مخلوق
انـا يا خـلائـق اه ضـقـت العذاب اصناف
شـلـت الـلـيــالـى سـقد تشهد تبارك وقاف
جـربـت صبــر ايوب كانت نهايته جفاف
والـصـابنى يالمريود بالعين محال ينشاف
لـو دار تـعــرف الـبـى ارجوك مرة تعال
اقـعـد وعـايــن بـس مـا تـســأل اى سؤال
انـا يــا حـلـيـلى انـا اصـبـح يـمينى شمال
جـوايـا عـشـرة اشـيـاء خلت حياتى محال
حـظـى الـتـعـيـس الـشـوم الغيرة والعزال
ليل الضياع والخـوف والحيــرة والاهمال
انـك تـمــلـى مـعـاى و بـيـنـاتـنـا كم اميال
احساسى انى بسيط واحـلامى واقفه جبال
صبر اً صبرتو عليك ذكــرنى سيدنا بلال
حتى ان سكــت انــــــــا تـتـكـلـم الاطلال
وآخر المطاف بــالليل سـافـرت باستعجال
لا طلـت بـلح الشام ولا ضقت راحة البال
برضـك تقـول لـى اصبر اتحمل المكتوب
واتـعـوض الله خـلاص انسانى يالمحبوب
خـلـتـنـى ذى عـصفـور هبـت عليه هبوب
فـنـتـلـه عشه شمال شالت صغـاره جنوب
اللخو انطرب ويبتسم سااااكت بقلبي قولته قلبي ده قليل أدب ولا أتَ صحي صحي سمح وإني ملتاا ليك❤؟؟؟...قال لي:- صوتك فيهو دفى وحنية..الله عليك❤..تاني يومياً ح تغني لي طيب؟؟..قولتله:- سمححح❤🙈...
اها مرت ايامنا سمن على عسل لمن عبد السلام قال كفاهو وبِدور ينزل شغله قبل ابوهو يقبل عليه..باقي هم عندهم شركة استثمار كبييييرة...اها صحيت كعادتي الدغش سويتلو الشاهي وساعدته في لبسه...قام ماشي وانا صنقرتا قبَلي "في محلي" قال لي:- ما ح توصليني الباب..قولته ف قلبي:- اللخو ده متأثر بالهنود بس الله يصبرني...اها وصلتو جنب الباب...بلا خجلة قرب علي..قولتله:- عبد السلام..بتدور تعضيني في شدقي مششش...أتَ اصلك ما بتخلي حركاتك دي..قال لي:- يا هبلة دي اسمها بوسة❤😂😂بطلي ياخ أعضيك شنوو..مع أنو بيني وبينك لو طولتا أكلك كان أكلتك والله❤..
اللخو ده خايفة اخر المتمة يطلع مرفعييين 💔💔
#يتبع
