حبوبة مرقت مع يمة ويزغردتن وانا أجعر وسعاد مسكتني بكت زيين قالت لي:- ح تضلمي الخرتوم بشناتك دي..قولته :- أتي حاقدة بس بشوف ليك واحد من اولاد أهله يجي يمرقك زي ما مرقتا انا..قالت لي:- يمرق جلدك أنا غير الصافي ما بعرس زول...الزغراد شق اضاني شق..أها سعاد وباقي البنيات جهزنِي وبخرنِي وفكن الزغراد بعدها البنات طلعن كلهن..خلنِي برااي...عريس الغفلة جاا محنن ومجيه أكتر مني..نورته فايتة نورتي بمراحل..قال لي:- مُبارك علينا الزواج..بوعدك اشيل فوق راسي وأسعدك❤..قلتلو:- م تعصر على نفسك وتتكلم بلهجتنا دي..انا بفهم مو غبية والله يا اللخو..ضحك مسااافةة وقالي:- طيب طيب..جيبي يدك خلينا نطلع برة..المفروض بعد ساعة بس نتحرك❤..مسكني من يدي وجراني على كتفه..يا يمة أنا قصيرة ولا هو طويل زيادة عن اللزوم...اها بقينا مارقين على الاهل البرة..صنقرنا في العنقريب المُلون بالاحمر وحبوبة بدت تجرتقنا..ست النفر "غناية في حلتنا" غنت اغاني انصاف مدني لو انصاف سمعتها والله تعتزل بباقي عمرها ده وتهاجر برة السودان..اها جدي المستعجل على سفرتي قرا يس سرعه سرعه لو ما خفت الكضب بقول غلط في اية ولا اتنين...عبد السلام مسكني من يدي عرفني على أمو واخته..أمه تحمرلي وتعايلني بقرف كدي هييي والله ما شمت الصندلية البت سعاد حممتني بيها عديل...بكيت في سعاد إلا حبوبة لبعتنا حتن فكيتها..كروني كر للعربية...كانت سايقالنا العربية بنية كدي..شعرتها لنص ضهرها واللون يسو كدي..دنقرت في عبد السلام..يا اللخو اكان ما عرستها ما كان أخير ليك..بقى يضحك ومسك يدي قوي وقال :- أنا عرستك انتي وخلاص❤..م تركزي معاها..إنتي أحلى منها بكتيير...قلعت يدي منو وقولته :- يوم الموقف العظيم ربنا ح يحاسبك على كضبك ده
اها وصلنا الخرتوم...مشينا منطقة كدي سمححه شديد..البت قالت:- تتهنى يا معلم..بعد اسبوع كده ح نعزمك عندنا ونعمل ليك أحلى بارتي❤..وعاينت لي نظام قايلاني جاهلة وما خابرة هي قالت شنو..قولتله:- أي اعملوا لينا حفلة كبيييرة كدي وجيبو انصاف مدني..بدور اتصور معاها بس بخاف ما اظهر في الصورة باقي هي طويلة نخلة وانا متل الشتلة..عبد السلام بقى يضحك ضِحك..بعدها نزلنا...البيت كان كبييير وسمح عديل..اها فتح الباب ودخل الشنط وطلعنا بالسلالم فوق...وأهله جوا ورانا...دخلنا أوضة كدي عنقريبها كبيييير بس مضلمة..قولته لعبد السلام:- ولع الانوار نحنا ظلمة مقعِدنا في الضُلمة دي..قال لي:- مولعين بس إضاءه خفيفة...ثواني اولع باقي الانوار...اها فتح الانوار عاد يا اللوضه الوسسسيعه كدي يا يمة..بلاطها أنضف من ضميري...شوية كدي وشفت لي ضب اسود في الحيطة..أجي بيت سمح كدي فيهو ضُببه..مسكتااا توبي وملصت شبشبي في يدي وبتسحب براااحه ووقعت دق في الضب...عبد السلام قال لي:- إيناس..بتعملي في شنوو..؟؟..قولته :- ما شايف الضب ده...عك النبي شوفو كبير كيفن..قال لي:- ده مجرد لعبة بلاستيكية مُعلقةة..ما ضب حقيقي...
عليك الله يا واطه إنشقي وابلعيني سرعااااه💔
#يتبع
