اها بعد رجعنا عبد السلام قال لي:- جهزي الشنط من اسي وشوفي نفسك عاوزة تشيلي شنو وتخلي شنوو...قولتله:- والله ما بدور اشيل شي معاي إلا رويحتي دي..قال لي:-
وأنا؟؟..قولتله:- أتَ...أت إني شايلاك في طرف توبي🙈❤ضِحك أب عويناتن صُغار وقال لي:- طيب بمناسبة امتحاناتك الظابطة ما نفسك تديني هدية..قولتله:- هدية شنو..أسويلك شاهي؟؟..قال لي:-لالا..عاوزك تعضيني في شدقي😂😂😂..حمرتلو وقولتله:- تاني يا عبد السلام لمن أقولك أتَ قليل أدب ما تشيل في خاطرك مني ساي😏...فتح لي ضراعاته وقال:- هو أنا اقدر أزعل منك😂😂😂..تعالي بس تعالي..قولتله:- زح كدي موو جاية..بدوور أنوم وباكر من الدغش أمرق اودع جاراتي..قال لي:- طيب نومي..انا طالع يلا..قولتله:- مارق وين يا عبدو😔 م تخليني براي..قال لي:- ما أنتي عاوزة تنومي لكن..قولتله:- برضو ما تمرق...قال لي:- لالا ح اطلع..بس لو فرشتي الحوش وعملتي لينا بخور في الهواء اللذيذ ده مع شاي لبن بقعد معاك..قولتله:- طيب سمح بس أني نعسااانة😔 النعاس واقفلي في عويناتي..قال لي وهو خاتي يدينه فوق رويسي:- أعملي البقولو ليك صدقيني ما ح تنعسي...ح ادخل استحمى سرعة واطلع ألقى الحوش مفرش والشاي جاهز..قولتله:- سمحح....اها سمعت كلامه..مرق من الحمام لقى الفجه مجيهه والبخور ريحته سمحه..قال لي:- الله..ماف أحلى من كده والله❤...قعدني جنبو وبقينا نشرب في شاهي اللبن..قولتله:- عبدو😔..قال لي:- ما عاوز اقول عيونو عشان ما تحرجيني..هاا قلب عبدو..قولتله:- صحي ما دُرتا "حبيتها او ردتها" الخرتوم بس والله البيت ده والجيران ح يفرقوا معاي شديد بذات المرورة رزان ديك😔..قعد يضحك..قال لي:- حبيبتي نحنا ما ماشين نقعد في العمر كلو..ح نرجع نشوف أبوي عمل شنو والزراعه ماشه معاهو كيف..و منو انتي تقعدي مع اهلك شوية وبعدها نرجع لبيتنا وحياتنا من تاني❤..قولتله:- قولها تاني عك النبي😔..قال لي:- شنوو دي..قولتله:- اول كلمة بديت بيها حديثك...قال لي:- ااااا😂..حبيبتي❤..قولتله:- الحمد لله البقيت شايفني مرة مع النسوان😔...الجنا ده الضحك شرطه أكان قعد معاي كم سنة لقدام والله بموت ضِحك بس باقي هو بضحك في اي شي...!
اها اليوم التاني في البلد البلولة بقى مداقرها لأسيل محل ما قبلت بمش وراها ويغنيلا أغاني الطمبور ويصفر ويقولا:- موو شباب الخرتوم بصفرولكن كدي...أسيل إلتفتي علي جاي..أتي بالحيل عشعشتي جواي قليبي ده من يومتاا بدل يسوو دق دق دق..بسوي اسيل اسيل اسيل...أسيل أنفقعت بالضحك وعاينت ليهو مسافة ومشت..المرة دي ما ضحكت فوقو عشان ود بلد..إلا عجبها كلامه وحركاته...❤🌻
البت سعاد بدولا الحبسة في نفس اليوم..المشوطنة مرقت بالباب الوراني جابتها لأسيل حتن قنبت في حفرة الدخان...البنيات يشيلن ويزغردتن ويدقن بالدلوكة..القهوة لااافة وحكاوي التاية الما بتخلص...أسيل قعدت تعاين فوقن مبسووطة...أمها الوضع هناك ما عجبها بس حبوبة يوميا بتعصر عليها تسوقا معاها للسوق الكبير ويرجعن راكبات الحمير....!
أني صحيت بصوت عبدو بتحدد مع ابوهو في التلفون وكلموا بجيتنا...بعد قفل قال لي:- صباح الخير يا السمحه❤..قولتله:- كيف اصبحتاا..قال لي:- كويس شديد وانتي؟؟...قمت ووقفتلو قدامه وقولتله:- هو زولاً أصطبح بوشك كيفن بكون حاله؟❤🌻...قال لي:- ما عارف أجيبا ليك كيف بس أنا جد جد حبيتك❤...الريدة الحقيقة ديك فاهماني..طلعت من نصيبك أنتي يا شافعه..دقيته في شدقه وقولتله:- مووو شااافعه ياعبد السلام قلتلك😭😭..ضحك وقال لي:- يا زولة شااافعتي مالك مضايقة انتي..مهما تكبري ح تفضلي شافعه في نظري❤...
مرقت على الجيران..ودعتهن..بكن فيني جنس بكى💔💔رجعت البيت بالي مو رايق وعبد السلام حاول يفرق لي إلا أني ما أديتلو فرصة..شلت الليل كلو بكى لليوم التاني..يوم السفر...مرقنا على المحطة وركبنا الباص...كلها كانت كم ساعة كدي ووصلنا...من وصلت حسيت روحي دي رجعت لي بعد غيااااب..التراب اللين حق الزراعه..الرملة البيضا..الهمبريب وشفع الحلة والدافوري حق شبابنا..الرجال الجاين من الجوامع بالجلابية والسديري الاسود...الشدر الضلُو حنييين وحكاوي الحبوووبااااات...❤🌻
#يتبع
