خليتو لمن ارتاح وملا كرشتو وصنقر قصادي..سويتلو الشاهي وجيت..قولتله:- أتَ ااا عبد السلام بتعرف للزراعه؟؟ قال لي:- لالا..بس أبوي بِعرف من صغير كان بزرع وكده قبل حكاية الشركات والمصانع..قولتله:- سمح اسمعني..خلي ابوك يرهن البيت بس وباقي القريشات أرجعوا بيهن البلد وازرعوا..خلاس فصل الخريف دخل علينا وبعده الدرد..تشتروا ارضً كبييرة واسعه يعني لما تزرعوا اسع للوقت داك وتبيعوا المحصول بتكسبوا كتير وبكده شركتكم ترجع ليكم من جديد و احسن من اول❤....قام فوق وباسلي راسي وقال:- والله فكرررة جميلة شديد..بس ما اعتقد أمي او اسيل يوافقوا بيها...قولتله:- أسيل مش ما بتقري؟؟..ضحك وقال لي:- لا خلصت دراستها السنة الفاتت..ما عندها شي مهم بتعملوا هنا..انا بطرح لأبوي الفكرة وبشوف ردو...قولتله:- أني زاتي اخلص سنتي البديتا دي بس وارجع هناك..نمش نقعد اني واتَ معاهم لمن الموضوع ده ينتهي على خير وبعدين نرجع الخرتوم أني اكمل قرايتي واتَ ترجع شغلك..قال لي:- ما عارف اقول ليك شنو بس حاسس نفسي ح اضيع ليك سنينك..وما ح أوفي لجدك بوعدي سرعة وح يفتكرني بقول اي كلام..قولتله:- أتَ عبد السلام مشوطن؟..الظروف مع الناس..اخر المتمة نحنا بنقول قول وربنا بقول قول تاني..جدي مو باقي على علامي زي مو باقي على قعادي في الخرتوم...بقى يضحك وقنب جنبي والمرة دي الحضن ما كان ابو سريعه..كان شيتاً طويل وحنين..❤
اها مرت الايام وأبو عبد السلام رهن البيت وسافر البلد بباقي قريشاتو اشترى ارض وجدي فتحلو البيت الكبير حق عمي الفاضل..وإني خلصت السمستر الاول في الجامعه وجيت تانية الدفعه..زعلت وانمغصت بس قولته بعوض لقدام...نسيبتي حلفت يمين ما تمشي البلد وتسكِن فيها إلا بالتحانيس والدقيس حتن وافقت وبتها تبكي الليل والنهار...قولته يا ايناس خلصي سمسترك التاني ده وامشي وعي نسيبتك خليها تصوملها تلت إيام عشان حلفتها الوقعت واطه دي💔...
اها نسابتي وصلوا البلد..حبوبة استقبلتهم احسن استقبال..فرشولون الواطه ورد زين ما يودروا إلا هم ما بشوفو السمح من الناس...وجن عوين نضفن ليهن الفجة..أسيل دي تبكي أسبوع من وصلوهم البلد إلا سعاد كتر خيرها مرقتا مشوار لشدرة البلولة..غنن ليها البنيات وفرقن ليها..وجيهان بت خالتها ما جايبة خبرهاا..الا هي تدق وتسال منها..سعاد ما مقصرة قدت أضاني بالسواطة والنقلي...
في يوم جيراتي جني جت عليهن سويت ليهن حلات قهوة ببخورا إلا قلت لرؤى حلفتك بالله ما تمرقي شواطينك هنا يلبسن أسمري الملتحي..العوين ديل قررر يضحكن..المغربية كدي كلهن فرن...عبد السلام جاا خاشي البيت كان في مشوار مع واحد صحبه..قولتله :- عبد السلام جيت كداري؟ ماني سامعه صوت العربية..قال لي:- بعتهااا..
اجي سجم خشمي ده كلام شنوو..بعتها ليه يا عبد السلام
عليكم النبي أسع الجنا ده فيهو مخ..والله تاني إلا تركبلك ضهر حمار باستعجالك ده💔💔
#يتبع
