عبد السلام ده وقف عربيته ونزل من الضحك لمن دموعو سالن...جاا راجع دورها ومشينا مسافة يعديلو دقيقين ويضااحك..قال لي:- يااخ الله يسعدك 😂😂❤..عارفة انتي اول بت يكون عندها مفهوم غريب عن كلمة حبيبي دونً عن بقية البنات😂😂😂...لو واحدة غيرك كان طارت من الفرح..قولتله:- تشبهني بالرجال واطير🙄..قال لي:- م علينااا..المهم ح نتغدا برة ونرجع بيتنا❤...اها مشينا مطعم كدي اتغدينا زيين بعدين رجعنا...لقيت رزان واقفه في الشارع عبد السلام سلم عليها وخشاا..رزان قالت لي:- اها يومك كان كيف؟؟..قولتله:-عااادي..خبارك واقفة في الشارع..قالت لي:- كنت عاوزة اقول ليك لو بكرة م عندك حاجه تعالي القهوة عندي..قولتله:- بري شغالة جامعه من الدغش...قالت لي:- خلاص يا زولة مرة تانية💋...خشيت بيتي ومشيت اللوضة ملصت هدومي ولبست لي جلبابة..عبد السلام فرش الحوش وقال لي :- يوم الجمعه ناس عمتي جايننا زيارة..قولتله:- حباااابهم الف والله...
مرت الايام واني من الجامعه للبيت ومن البيت للجامعه..يون سعاد دقت لي وقالت الصافي جاا طلبها من أبوها..وابوها وافق..قالت لي ابوي وافق عشان الصافي عندو ارض زراعية وستة بقرررات..قولتله:- أبوك واعي..إلا اتي بس مغفلة والحب عامي عيونك..قالت لي:-أسع اتي جدك وافق ليه..مش عشان عبد السلام عندو قريشات..قولتله:-بري جدي عينو مليانة لكن ما بغالطك..لأنو ما وافق عشان إيمانه لعبد السلام وقعدنا نضحك...يوم الجمعه من الدغش قشيت بيتي وضايرته..وسويت ملاحات اشكال والوان وكوور عصيدة وشعيرية وزبادي..ماشاء الله عماته جن زغردتن قدرتن مع بناتن وقعدن...طلعن ظريفااات شديد❤..قولته في قلبي ما كل العمات كعبات والله❤...اها بعد طلعوا اللخو ده بقى يسويلو في حركات ماياها..قولتله:- عبد السلام..أني باكرة عندي جامعه وما فاضيالك..قال لي:- إيناس😂😂😂 لما امسك يدك ولا اقول كلام حلو ما معناها الفهم الفهمتي😂😂..ياخ والله انتي إنسانة عقلك وسخااان😂😂..قولتله:- يعني اتَ بتسوي فوقها برئ والقباحه وقلة الادب تطلع فوقي انا..قال لي:- للاسف😂😂ماشي أنوم بكرة وراي بلااوي..وغمض لي عويناته وفات..
"على لسان عبد السلام"
_كنت بتقلب في السرير ما قادر أنوم..السبب الاول الباعوض والسخانه..السبب التاني إيناس❤..المخلوقة دي قادرة تمتص زعلي وغضبي وزهجي بدون أدنى مجهود..انا بس أشوفها تلقائياً بنبسط😂❤بكون جاي من الشغل شايل هموووم كلمة منها بس بنسى الشغل المشاكل وحتى نفسي بنساها معاها❤...كانت نايمة في السرير التاني ومتغطية بتوب هزاز..هي مُصِرة إنو تقلعني قلبي قلع..وانا مُصمم أدي ليهاا هي بس تكون على طبيعتها دي وما تتغير أبداً او تتأثر بزول من هنا❤..!
"على لسان إيناس"
في يوم عبد السلام جاا من شغله زهجاان..قولتله:- خباارك يا عبد السلام..مضايق ولا كدي ؟؟..قال لي:- والله يا إيناس مضايق جداً...الشركة بتاعتنا ميزانيتها في النازل شديد وبقى صعب السيطرة عليها..حاولنا نعمل كم صفقة عشان ترجع وتقيف من تاني بس بدون فايدة..معظم الموظفين استقالو...حالياً أبوي ما عارف يعمل شنوو وقرر إنو يرهن بيتنا...حتى العربات والقروش اللي في البنوك واي شي..انا خايف بعد ده كلووو الشركة ما ترجع زي أول وبدل خسارة واحده تبقى خساير..ابوي فنى عمره في الشركة دي وما عاوز يستوعب أنها بتنتهي...💔
قلبي وجعني على اسمري الملتحي...إلا جاتني فكرة وقلت النلحقو بيها...❤
#يتبع
