تاني يوم ما خليت عبد السلام يعتب عتبة الباب...قولتله إلايقعد يرتاحلو كم يوم وأبوهو برضو قالو كده إلا باقي هو عنيد خليتو لمن لبس هدومه وشال شنيطو في يده وقفتلوو جنب الباب وقولته في قلبي أسويلو شنو الجنا ده عشان يرتاح وما يمرق على الشغل..جاا مارق من اللوضة وقال لي:- إيناس يلا انا طالع...ووقف يعاينلي..قولتله:- عبد السلام...قال لي:- في شنوو..واقفة في الباب كده ليه😂😂 قولتله:- ما تفوت تخليني براي اني حاسالي بخوفة كدي😔...قال لي:- عوجه بتجيك ماف يا زولة من متين بتخافي كماااان..يلا يلا زحي من الباب عشان جد اتأخرتاا...قولته في قلبي اتوكلي بس ااا بنية وسوي كدي حبابها قلة ادب الهنود لو هو مو داير يترمي في البيت..إلا كابسته ليك بحضن كدي..رويسي جاا في بطنه..قولتله:- ما تفوت قلتلك ياااخي...خت يدو في رويسي وقال:- لما أقول ليك شافعه تاني إياك تزعلي😂😂طيب ح أقعد..زحيت من حضنه ووقفت وراسي لتحت متل الشافع العاملو عملة وراجي العقاب...عبد السلام قال لي:- ح امشي أغير ملابسي..وبالمرة انتي اعملي لي فطور ظااابط. وتعالي اللوضة...قولتله:- اجي لشنوو..اتَ صحي قليل ادب ودواخلك ماها نضيفة ومخك كلو قلة ادب..اللخو ده من الضِحك الضحكوو قنب في الواطة وقال لي:- أنتي المخك شمااال يا استاذة😂😂😁انا قصدي ليك تجي عشان أعلمك بدايةً كيف تستخدمي اللابتوب..يشهد الله نيتي سليمة😂❤...خجلت وجريت المطبخ..سويت الفطور...بعده مشيتلو اللوضة...قعد ساعتين يشرحلي استخدم النصيب داك كيف..الحمد لله عرفتِلي كم حاجه كدي❤...
اها بعد زمن قولتله لعبد السلام:- الجامعه باقيلا اسبوعين..وانا بدور امشي البلد💔..قال لي:- إيناس أنا عارف نفسي وعدتك بس والله ماف طريقة بذات الفترة دي مضغووط شديد أعفي لي بس❤..قولتله:- سمح😔..قال لي:- زعلااانة؟؟ قولتله:- لالا😔...تاني،قال:-زعلاانةة؟؟ قولتله:- اللخو طرش قولته مو زعلانة..شلت تلفوني ودقيت لحبوبة..بكيت زييين من شوقي ليها..قومي،يا حبوية الفحي كلام من رويسك وقولي لجدي الطاهر عبد السلام مُشاكل إيناس..جدي ولا كضب..عاد دي حبوبة يعني ما بتقول كلام ساااكت...دقالو لعبد السلام وديك يا المجابدة والشكل..عبد السلام اتكلم مع جدي وحاول يفهمو بأنو ماف حاجه بس القباحة يخلوها لمنو🙂🙂أهلي وعارفاهم...قلعت التلفون من عبد السلام..قولته لجدي:- يا جدي أنا بكيت من شوقي لجبوبة..إلا هي بس ما ميزت اللمور وقالت ليك نحنا مشاكليين...جدي قال :-حبوبتك دي بباقي عمرها خرفت وبقت تفتش للمشاكل مش..اسع انا اقول للوِليد ده شنو!!..قولتله:- أني بتصرف..بس امسك حبوبة دي من اللفحي..قال لي:- دي لو ما خلتني أقتل رقبة بقصادها أصلها ما بتنجم...بعد قفل فهمت عبد السلام سبب بكايي..قال لي:- والله لو في طريقة كنا سافرنا..قولتله:- خلاص ماها مشكلة يعني...بدور أنوم...قال لي:- طيب تصبحي على خير.. "أكان شفتو عبد السلام من قرصة الباعوضه بقى كيفن!..رجعت وقولته أني السبب غلغلت براحته عشاني"....
اها جات مواعيد الجامعه وخلاص نازلة الليلة اول يوم..عبد السلام وصلني لباب الجامعه..قال لي:- ما اي زول تتكلمي معاهو طيب..ألقي ليك بت ولا اتنين أمشي معاهم وشوفي الجامعه وشوفي اليوم محاضراتك في اي قاعة..واثق إنك ح تجي أولة الدفعه بس ركزي❤قولتله:- سمح..حلفتك يا اللخو أبقى عشرة على رويحتك❤..ضِحك وقال لي:- حاااضر يا اللخت❤..نزلت ودخلت الجامعه..ناسها كتار وزحمة..بقيت ماسكه في شنطتي وماشة دقشتا لي بنية كدي حلاتا..قولتله:- أعفيلي يا السمحه موو قاااصدة..قالت لي:- مع إنو كنت ناووية اردح..بس كلامك وقفني❤.شكلك كده برلومة زي..قولته في قلبي برلومة دي يعني قصدها أنا شبه البومة ولا كيفن..إلا اتذكرت عبد السلام لمن شرحلي الكلمة دي...قولتله:- أياا زيك..قالت لي:- طيب تعالي..المحاضرة في قاعة ()..مسكتني من يدي ومشينا..بعد المحاضرة إنتهت..قالت:- أسمي تقوى وساكنة الرياض..أنتي اسمك منو!؟؟..قولتله:- إيناس وساكنة في الفتيحاب..قالت لي:- بعييييدة بالنسبة للجامعه..عندك ترحيل؟؟..قولتله:- لالا راجلي بجيبني وبجي بعدين برجعني..قالت لي:- اهااا كويس...اليوم كان عادي بس إلا نظرات الناس الغريبة لي عقدتني...البنية طلعت ظريفة شالت رقمي وفاتت..أني استنيتو لعبد السلام برة..جاا لقاني واقفه..جريت ركبتا العربية..بعد مشينا شوية قال لي:- يلاا احكي لي عن اليوم!!..بقيت أحكيلو واحكيلوو...قال لي:- حبيبي رايك شنو نتغدا بره؟؟..قولته بخلعه:- أتَ قلته شنووو؟؟..قال لي:- حبيبي❤...بقيت أجعر وابكي بصوت عالي...قال لي :- بسم الله مالك في شنوويا إيناس...قولتله بصوت باكي كدي وانا خلاص الغبنة الجواي زادت :- كيفن تقولي حبيبي أتَ شايفني راجل موو كدي..كلمة حبيبتي قصرت معاك ف شنوو..انا في نظرك راجل يا عبد السلام مششش 😭😭😭💔
#يتبع
