للعصرية كدي عبد السلام مرق من البيت..حبوبة كانت في بيت ناس سعاد بتساعد العوين في دق الريحه..جات لقتني بسوي في الملاح وفرحااانة..قالت لي:- أتي شوطنتي تضاحكي براك كدي؟؟..قولتله:- حبوبة أتي جيتي متين؟..قالت لي:- اسع دي دخلتي..سويتي الملاح عوستي الكسرة؟؟..قولتله:- أيااا..حااامضه وحارة..قالت لي:-سمح..وينو عبد السلام ما جاا من الزراعة..قولتله:- م م ماني خابراهو وين..تلقي في الزراعة ولا الوادي مع ناس الصافي...قالت لي:- كيفن..جدك اسع دي قال الوِليد ده من الصباحية مو في الزراعة...قولتله:- يا حبوبة بجي بجي شيتاً بروح في البلد دي مافي..قالت:- سمح..النصلي العصر قبل زمنو يفوت...!
بليل كدي اسيل مرقت من البيت الكبير اتجهت على بيت ناس سعاد إلا الضلام عماها وراحت من البيت..ما عرفت شن تسووي..إلا البلولة جاا ماري بعصاتوو "عكاز"..قالا:- بت البندر😍 شن بتسوي في الليل ده براك ااا السمِيحة..قالتلو:- عاوزة أمشي بيت ناس سعاد بس البيوت كلها شبه بعض فمااا عرفت البيت💔..قال ليها:- أبشررري بتقدملك أني خليك في ضهري...بقى ماشي قدااما وهي وراهو لمن وقفها قصاد بيت ناس سعاد...قالا:- ده البيت ااا قريعة العسل😍😍 وما تشيلي هم الرجعه...أني برجااك لمن تنتهي من كلامك تب وبرجعك البيت الكبير...قالت:- شكراً يا البلولة😊❤...قالا:- كررروورررروك سماحة أسمي الطالع من خِشيمك😍😍...دخلت بيت ناس سعاد..صحت سعاد من النوم..سعاد قامت مخلوعة..قالت:- أسيل ماك يا بنية شن بتدوري بليلات دي؟؟..قالت:- ما عارفة اصلا الجابني ليك شنوو..بس عاوزة اقول ليك إنو جد جد بلدكم دي بتخلي الواحد يعشق حاجه اسمها ريف❤..مفهومي عموماً عن الريف وبناته كان غلط و غلط كبير كمان..ما عارفة اصلح الغلط ده كيييف بس قررتا..إنو لما أهلي يرجعوا الخرطوم انا ح أقعد هنا فترة بعدين ألحقهم...سعاد قالت:- أني لو ما عروس كنت فكيت الزغراد وشقيتبوو أضانك "شقيت بيهو"❤...خبررر السعد يا بنية هااا..والله بلدنا حنينة وفيها إلفة والجيران أهل..!.. اخدت ونستهها وطلعت لقت البلولة مستنيها..وصلا لحدي البيت الكبير قبل تخش..قالا:- أسيل بدور اقولك..قالت ليهو:- قول سامعاك...قالا:- أنا صحي مو نصيح ومطرطش إلا يا بنية قلبي ده دقاااالك متل الطبل ياني بقولا ليك عديييل يا بنية البلولة عاااااشقك❤🌻..!
الصباح فتحت عويناتي حبة حبة لقيت عبد السلام راقد في العنقريب الجنبي..قولته في قلبي اللخو ده يكون جاا بعد أني نمت ولا شنو؟؟ قولتله:- عبد السلام..عبد السلام..فززز قوووم..قام مخلوع وقال:- في شنو يا إيناس من الصباح..في واحدة بتصحي حبيبها كده❤؟؟..قولتله:- ماك حبيبي..قال لي:- حبيبببك يا زولة❤..صباح الخييير..قولتله:- أتَ أمس جيت متيين اااللخوو..خت يدو في دِقينته وقال:- يااا اللخو الما نفسك تخلصينا منها😂😂..جيت الساعة 11..كنتي ناايمة...قولتله:- ايا..فترتا من الانتظار..كدي النقوم أحلب البقرة..قال لي:- ح اجي راجع بعدين بدري عشان نمشي الوادي سواا منظرو وهو مليان مووية الخريف حلو...قولتله:- الوادي إن قربنالو شديد بشيلنا...قال لي:- لالا نقيف بعيد بس...اها قمت حلبت البقرة وسويت باقي اشغالي..وعبد السلام مشى الزراعة وجاا راجع..لفحت توبي ومشينا الوادي من جوه البيت بقولي التوب خفيف وأني مسوية طررشة...لقينا شباب في الوادي من الفريق التاني..قعدوا يعاينوا فوقي..عبد السلام ده من الغضب عيونه بقت متل النار الحمرة..هرشهم وقال بصوت عالي:- لموا عيونكم عليكم يااخ..ما بتخجلوا انتو وكان ماشي عليهم إلا مسكته من طرف جلابيته..الشباب مشوا بسرعه..نفض يدي منو وقال :- حذرتك من البيت انا ما تلبسي الزفت ده خفيف..عاجبك كده اسي؟؟..أمشي قدامي يلا...عجبني عبدو وقولته في قلبي راجلاً حمششششش😍😍😍...اليوم بطوله ما فتح خشمه معاي..إلا بكيتلو بليل حتن قالي كلمتين سمحاات نمت عليهن...❤
اها جااا وقت الحصاد..وزراعة أبو عبد السلام نجحت وربح ربح كتيييير خلاس..نسيبتي من الفرحه طارت فوق ووقعت ما فتحت إلا في الاسبتالية...🌻❤
#يتبع
