اها مشينا على بيت جدي الطاهر..لقيناهو مصنقر برة تحت ضل شدرة النيم❤..مشيتلوو جري قولتله:- جدي كيف حالك..قاملي فوق وقال:- إيناس اا بنية جيتي متين أتي؟؟..حبيت "بسته" راسه وقولتله:- والله يا جدي فااقده ونستك..إلا خت يدو في رويسي وقال :- كسرتك فاقدنها اا بنية..حبوبتك بتسويلها لي فطيييرة..عبد السلام سلم على جدي وخشينا البيت❤
"في شجرة البلولة..اعادة مشهد اللايف مع اضافة بسيطة❤"
_البلولة كان قاعد قريب من شدرته إلا شايف البنيات بغنن..قال بصوت عالي:- ااا بنيات عذبتننا عذاب..شدرتي دي بفوت منها بسببكن..جاا الصافي قالو:- ااا البلولة خلي البنيات يغنن اا البلولة مقلق بوون مالك...قالو:- يغنن في شدرتي ليه..كدي أنجما أنجما..وفجأه عينه وقعت على اسيل❤.قال :- هييي الصافي شووف البنية ديك من بنيات البندر..كووو شعرتها لنص ضهرها..سمحه دخلت جووه قليبي وعشعشت...الصافي برك في الواطة وقالو:- الصافي ات ماك نصيح...ده كلام شنو البتقولو ده..قالو:- اسع منو فينا الصافي يا مشوطن..اتَ شفتها خلاس نسيت أسمك..كووو..الصافي قال:- بدور اطلع على حاجه فاطنة أحلبلا بقرتااا..البلولة قال:- سمح امش امش..يا ماك مسلقف وما بتعرف لسماحه البنيات..غنن يا بنيات غنن❤❤...اسيل بقت تضحك وقامت مشت مع البنيات...
اها حبوبة من شافتني وقعت فوقي لبعي..قولتله:- حبوبة براحه علي ورمتي ضهري..حضنتي قوووي وبكت زيين..قطعت قلبي💔..سلمت على عبد السلام وبعدين جابتلنا الموية...قعدنا كدي أمه واخته جن..بكن في عبدو كتير..قال ليهن:- الفينا ده قرب ينتهي❤اطمنوااا...كلها فترة وح تعدي...اسيل سلمت علي بطرف يدها ونسيبتي عاينتلي بالعين البايظةة..اها بعد المغرب لفحت توبي وخليت عبد السلام ناااايم في اللوضة البناها جدي جديد...مشيت على بيت ناس سعاد...سعاد دي بكت وجعرت كتييير إلا قرصتها حتن فكتني...قولتله:- خلاس باقيلك سبوعين وتبقي مرتو للصافي😍😍..قالت لي:- بالحييييل...تعالي تعالي قنبي هنا..عندي ليك نقلي كتيييير...قنبتا جنبها وشلنا الليل كلو ضحك وونسة دُقاااااقة❤🌻...!
اها عبدو بقوم مع جدي من الدغش بلبس العراقي والسديري الاسود❤🙈 ويمش مع ابوه وجدي الزراعه ينعجن في الطين داك مبسسوط..يجي اخر النهار ياكل عصيدة حااارة ويرجع تاني يقعد مع شباب الحلة تحت الشدر....
في يوم جاا بدددري و مافي زول في البيت..أني عوستا كسرة حسب رغبة جدي وكنت بدور اسوي الملاح إلا عبد السلام كابسني بحضن..أنخلعتا وقولتله:- عبد السلام..ماك نصيح أسع لو زولاً شافنا💔😭..قال لي:- ويعني شنوو واحد ومرته..بعدين من جينا البلد انتي ما فاااضية لي..الليلة نهائي ما بخليك..قولتله:- حلفتك زح كدي...الخجلة الفوقي دي بتمرق جلدي ااا عبد السلام..فكني...قال لي بضحكه:-أبيت ياخ قولنا أبييييت❤🌻
أقول يا منو عاد..عبد السلام ده إلا لو لبسو شيطان في الزراعة ولا ركبلو حمار بالمقلوب😭😭
#يتبع
