اها المرة نسيبتي فتحت ومن قامت كدي صنقرت وقالت:- كلام أبوك صح يا عبد السلام ح نرجع بيتنا..ح نرجع الخرطوم من تاني..ح ارجع لحياتي الزمان❤..قال ليها :- أيوة يا أمي صح صح..كل حاجه بقت تمام والفضل بعد ربنا يرجع لإيناس لأنها الدلتنا على الطريقة دي...بكرة ابوي ح يرجع الخرطوم يظبط الوضع وبعدين نرجع كلنا...قالت:- لا لا لا رجلي على رجل ابوك..والله ما اقعد هنا ولا ثانية...قولتله:- صحيي عندك تلت ايام حقت الحليفة ديك متذكراها صووميهن..لوت لي خشمها وقبلت على الجهه التانية..اها طلعنا من الاسبتالية..نسيبتي ستفت الشنط سرعة سرعة وقالت لعمي:- يلا ح نسافر متييين؟؟ قال ليها:- بكرة ان شاء الله يا سلمى..ما تستعجلي😂دي كلها فرحه رجوع للخرطوم..قالت ليهو :- م تتخيل كنت مخنوقة كيف..هي كانت فرحانة إلا بنيتها أسيل زعلانة ومو لاقية طعم الفرح...أمها قالت:- اسيل يا بت قومي شوفي نفسك عاوزة تعملي شنو.عشان بكرة الصباح ما تعذبيني ده ما لقيتو وده خليتوو وبتاع..قالت ليها:- يا ماما انا ما راجعه معاك...عاينت ليها مخلوعة وقالت:- كييييف كييييف؟؟..قالت ليها:- ما راجعه معاك..ح اخد لي كم يوم هنا..برجع مع عبد السلام..كده كده هناك ماف موضوع..هنا في برامج كتيييرة واهو مُسلية نفسي..أمها قالت ليها:- مع نفسسسك..انا برجع..شوفي أخوك جاي متين والحقينااا...!
اليوم التاني نسابتي من الدغش مشوا المحطة..نسيبتي دي الفرح شااقيها شق ظاااهر في شديقاتهاا❤...سلمت علي كويس لمن جات تركب الباص..بعد رجعنا أسيل قالت لي:- تعالي علميني احلب البقرة كيف..قولتله:- سمحح...مشينا البيت وخشينا زريبة البقر بركت في الواطه واسيل سوت زي...قولتله:- تمسكي شطر البقرة كدي تطلعي بواحد وتنزلي بواحد و تاني تواسي بينهن وو...حاولت مرتين ما عرفت..قولتله:-مع الايام بتتعلمي..أني قايمة أعوس الكسرة..قالت لي:- خلاص علميني برضو..اها خشت معاي المطبخ..ختيت الصاج في كانون الحطب لمن سخن وجبت العجين وبقيت اعوس بالقرقريبة...خليتلا شوية في نهاية الجردل..سوت شيتاً كدي مو مفهوم بس عندو طعم😂😂...قولتله:- موو كدي بس حبة حبة بتتعلمي...!
يوم البعدو كانت حنتها لسعاد...من الصباح للمساء بنسوي حننا..اني رسمت لكوعي ولرُقبتي..ما مشيت من الصباح قلت اظهرلن المساء..مشيت أوضتي لقيت عبد السلام راجيني..قال لي:- رسسسم لكن❤...ماشاء الله ما يسحروك..قولتله:- زووولاً فاضيلي مااف..قال لي:- ماخايفاني أسحرك...قولتله:- حباب عينك التصيبني سااااكت يا عبدو🙈❤...بقى يضحكك..قاللي:- لابسة شنو للحنة..قولتله:- فِستيين...حدرلي وقال:- ما ح اخليك تلبسي فِستيين😒😒..شوفي ليك توب..وتوب يكون تقيييل كماااان...قولتله:- يا عبد السلام😭😭هيي الحفلة كلها بنيات..فوقها شنو لو لبستووو...قال لي:- ما ح تلبسييي..يا تلبسي توب يا بلاش من الحنة دي...جعرت لمن الله غفر لي خبررري ما جابوو..أخرتها لبستا توبً أختارو لي..وقفني قصادو وقال:- كده أنتي سمحه والتوب زااايد سماحتك❤...قولتله:- ما تتحددت معاي..وفوتا خليتوو...الحفلة كانت سمحهه بغنايتنا ديك❤...البنيات رقصن قدرتن وسعاد دي الفرحه وااضحه في عويناتها..واسيل تعاين لرقيص البنيات وتضحك❤❤😂...اها رجعنا بليل..لقيت عبد السلام نايم..اول ما قنبت على عنقريبي صحى..قال لي:- أتاخرتوا كده ليه!؟ ما رديت..قال لي:- افهم أنك زعلااانه يعني؟؟..ما رديت..قال لي:- والله ما تردي لي بقوم أعضيك...عاينتلو وضحكتاا...قال لي:- أعيش واضحكك بس❤...!
عرس سعاد طلع سمححح إلا الاغاني مو سمحه والرقيص اشتر...سافرت مع الصافي جبل مرة يتفسحولن كم يوم كدي❤....شركة ناس عبد السلام رجعت أحسن من أول بكتير والميزانية اتصلحت...في يوم البلولة جاا لعبد السلام اتحددت معاهو تحت شدرة النيم قريب ساعه وبعدين مشى...بعد جاا خاشي نادى أسيل بصوت عالي..جاتو جااارية..قالا:- عارفة اسي كان معاي منوو؟؟ قالت :- منوو؟؟..قال ليها:- البلولة..وطلب يدك مني...ها..رايك..أنا قلت ما أفتي من عندي وأقول ليهو إنك رافضة قلت أشوف رايك أول..قالت ليهو:- الفيهو الخير ربنا يقدمه...اني سمعتهم وجريت لأسيل قولتِله:- صحي البلولة مطرطش إلا بالحيييل عفوي وماف زول متلا في الفريق كلوو...عبد السلام قال ليها:- أعتمدي الشهادة دي لما تجي تقرري😂❤❤❤...
قبل نرجع الخرتوم أني تعبت حبة ومشيت الاسبتالية..في الفحص طلعلي حِمل..جعرت قدرتي وبكيت..لمن كلمت حبوبة لبعتني وقالت:- هااا العويرة دي..جايك جنى الببكيك شنوو..؟؟..عبد السلام لمن عرف بقى يضاحك براهوو ويتبسم❤..قولتله:- أسع عاجبك السويتو فوقي ده..أكمل باقي علامي كيييف تاااني😭💔...
#يتبع
