للمساء كدي عبد السلام ضرب لي رديت :- اي يا عبد السلام..ماك جاي عشان نمشي الحلفة؟؟..قال لي:- انا بطلع من الشغل على هناك..انتي أمشي مع أمي واسيل طيب؟؟..قولتله:- هن عارفاتني ماشة ولا بحرجوني ؟..قال لي:- اساساً الحفلة معمولة عشانك❤..البسي بس واطلعي معاهم تمام ؟؟..قولتله :- تمام..وبدور اقول ليك..قال لي:- هااا..قولتله:- خلي بالك من نفسك❤🙈بقى يضحك وقال لي:- حاضر ح اخلي بالي من نفسي...يلا نتلاقى في الحفلة..قفلت السكة وبقيت قاعده لمن اسيل جرتني قالت لي:- يلا جهزي نفسك...قولتله:- سمح..استحميت زييين ولبست هدومي وعملت المكباب يا قول سعاد الجاهله..وطلعت لي كم خسلة كدي لصقتهم بالفازلين في جبهتي...أسيل شافتني وابتسمت ونسيبتي برضو...اسيل قالت:- شفتي يا ماما مرت ولدك طالعه عسل كيف..دي حتى احلى مليون مرة من جيهاان...قالت:- صح صح..ما قصرتي فيها..اقصد معاها..بعد كدي اتقدلتا ومرقت معاهن...
اها المكان ما بعيد وصلنا سريع..نزلنا من العربية والناس كتار كترة...قلبي بقى في يدي من الخوف بقيت اقول يارب جيب لي عبد السلام الينجدني..ما عارفة بس الجنا ده لمن يكون في انا بكون كويسة ولميضة..اسي اسوي شنو يا مولاي..دخلنا البيت..كان اكبر واوسع من بيت ناس عبد السلام. البنيات ديل اشكال والوان واللبس استغفر الله العظيم💔..وكلهن يعاينن لي ويضحكن بصوت عالي...اها مشينا وقفناا جمب مرة كدي..اظنها اخت نسيبتي..ما سلمت علي..بس عاينت لي وضحكت..جات بتها المعصعصه قالت لي:- طااالعه عسل..نجمه الحفلة بلا منازع هههههه..ما عارفة سيم لما يشوفك ح يعمل شنووو...الناس دي كلها عويناتها بقت علي..وانا من الخجلة ما باقي الا ادسا جوه مضافريني💔...شوية كدي وطلعت المعصعصه ديك حته عالية ومسكت مايك..قالت للناس كلهم:- مساء الخير للكُل..طبعا الحفلة دي معمولة على شرف ود خالتي عبد السلام ومرته..زي ما شايفين ذوق ود خالتي حلووو كيف...رحبوا بيها❤...الكاميرات بقت في وشي وكل الخلق تضحك فوقي وفي هدومي ويعلقوا بصوت عالي...أتاريني كنت عاملة زي البعاتي💔 وانا مو خابرة..شوية كدي وشفت عبد السلام..عيني جات في عينوو...شكله زهجااان ومليان من تصرفات اهله معاي...ساقني قدامهم كلهم ومسك المايك وقال :- أعتقد من السخافة وقلة الادب وعدم الذوق ونقصان الاصول إنو نعمل من بني آدم ما ليهو ذنب أضحوكه عشان نفرفش..انا حزين على إني عرفت اي واحد فيكم في يوم من الايام..مهما وصل بي الحد من الهظار..عمري ما ح أفكر اكسر خاطر إنسان بالطريقة دي...سوا جيهان او حتى اسيل او امي او خالتي...انا ما ح اتناقش معاكم في الموضوع ده..بس إيناس في عيني أحلى بت شفتها قلباً وقالباً...ولو بس عملنا تحدي بسيط في اي جانب غير اللبس والمكياج أنتو ح تفشلوا وهي ح تنجح أنا واثق...مرتي الجبتوها هنا عشان تضحكوا فيها دي أفهم منكم..جد أثبتوا لي صُغر عقلكم💔...وعلى فكرة كلكم يا شباب معزوميين عندي غداء بعد بكرة عشان تتعرفوا على مرتي عن قرب❤..شكراً على حفلتكم الشبهكم دي...ساقني من يدي ومرقنا من البيت داك...انا السكه كلهااا ابكي واجعر...بعد وصلنا طلعتا اللوضة طواالي..لحقني لقاني بقش وشي بالمناديل وببكي..مسك مني المناديل وقال لي:- ما يستاهلوا دموعك...اسيل دي ما تثقي فيها..انا اخوها و عارفها كويس...ما تتعاملي معاهم الا في حدود..فاهماني إنتي؟؟..لزيتو وقولتله:- أتَ عرستني ليه..عرستني عشان اهلك يبشتنوني ويخلقنوني كدي ويضحكوا مش...اسمع هنا انا ثانية تاني ما بقعدا في البيت ده...شوف ليك صِرفة ولا رجعني لجدي الطاهر..ودخلت الحمام خليتو واقف محتار....
#ابكوا_يلا
#
#نتلاقى_باكر
