اها الخجلة بقت من ساسي لراسي...ومحل اقبل وشي ما عرفته..عبد السلام قلع مني الشبشب ونزلو في الواطه..قال لي:- ح تتعودي على الحياة هنا بس شوية شوية...المهم حالياً استحمي داك الحمام..وبعدها ارتاحي...قولتله:- وانت ما بتدور تستحمى وتنوم؟؟..قال لي:- نازل تحت اشوف الجماعة ديل وبجيك تاني❤..بعد مرق من اللوضة خشيت الحمام بتوبي..عاد يا الحمام..قدر اوضة حبوبة واكبر منها...استحميت زيين وغسلت وشي بكل انواع الصوابين ديك ولبستا ديك يا الجلبابة البيضا القصيرة..فرحتا جنس فرح...جريت جرية واحده لحدي العنقريب داك ووقعت فيهو رررب..أظني كسرتو لكن ما اهتميت..عاد دافي وناااعم متل الريش..وشالتني ليك حلات نومة..ما صحيت الا الدغش..لقيت عبد السلام راقد جنبي..اها يا المصدق روحك..لكزته ليك بكووعي في عنقرتوو..قام بنمرة واحد..وبصوت سمحح كدي ونظرات نعسانة قال:- صباح الفل يا ستهم❤..قولتله:- فز من هنا..المنومك جنبي شنوو...اها قام قنب يحك في عويناته الصُغار وقال لي:- كيف المنومني جنبك شنو؟؟..أنا مش راجلك ولا انتي فقدتي الذاكرة فجأه!!؟..قلتلو:- لالا متذكرااك انا..بس يعني خلاص انسى..كدي النقوم احلب البقرة..مسكني من كوعي بسرعة وقال:- إيناس هنا ماف بقر..الحليب هنا جاهز وكل حاجه بتجي لحدي عندك❤..بس قومي ظبطي نفسك و يلا ننزل..نشرب الشاي مع اهلي..قولتله:- اظبط نفسي كيفن..قال لي:- يعني سرحي شعرك واستحمي والبسي فستان ظريف مع توب وكده...قولتله:- سمح..اتَ انزل وانا بلحقك..قال لي:- متأكده؟؟...قلت له:- أيا...مرق خلاني..قمت من العنقريب فتحت الدولاب جات في بالي مخلايتي💔..مرقتا لي فِستيين وتوب هزاز بعد استحميت صليت الصبح بعدها مليت نفسي ريحة سمحه عشان المرة نسيبتي ديك ما تحدر لي..اها لحقت اللخو داك...معرفت اقبل بوين..إلا شايفة عفش سمح بس وحاجات كدي في الواطة زي المصلايات..لاقتني ليك بنية كدي سمحهه..قالت لي:- اتفضلي معاي في الصالة التحت..قولتله:- عبد السلام وين؟؟..قالت :- تحت مع اسرته..اتفضلي...نزلتا معاها..تشبه بنات التلفزيون..اها نزلتني معاها تحت..عاد تربيزة حدااادي مدادي ملانا صحانه وكبابي وسكاكين صغار ومعالق وقطع بُيض كدي..قولته لعبد السلام:- الاكل ده كلو بتكملوا الليلة..بري انا ما بقدر اكل اكتر من طرقتين كسرة...اخته حدرتلي وقالت:- أوف أوف...ح نستحمل المخلوقة دي لمتيين؟؟...عبد السلام حمرلا وقعدني جنبو وقال:- أسيل..قلنا شنووو؟؟...يلا يا إيناس مدي يدك بسم الله واكلي..قولتله:- بدور اشرب لبن..وما بفطر اسي..الواطة يداب اصبحت..قال:- طيب ما مشكلة..يا سلوان..سلوان...جات البنية وقفت في روسينا..بعد شوية مشت وجابتلي حليب تااازه...كرطعتوو دفعه واحده...عبد السلام قشَ لي خشمي بالقطعه البيضه وقالي:- ارح غرفتنا..لما تحبي تفطري ح ننزل تاني...أمه قالتلو:- ح تنزل الشغل متين ؟؟..ولا ناوي تسافر...قال:- ما قررتا لسه..بشوف إيناس عاوزة شنو وبوريكم❤...مسكني من كتفي وطلعنا فوق....
اها لمن طلعنا نفضتا يدي منو..هييي نسافر وين تاني انا شبر من الخرتوم ما بتحرك...قال لي:- طيب ما ح نسافر..ممكن تروقي...قلتلو:- يعني اسوي شنوو...قال لي:- امممم ريلاكس❤..قلتلو:- سمحح...شوية كدي وصنقرت في البلاط وقعدتا ابكي وهو يشيل ويحنسني ويسأل مالك ووو...قلت له:- اشتقت للبع حبوبة وعكاز جدوو..بقى يضحك فيني..شوية وباب اللوضه انفتح..جات بت ماشاء الله رشيقة...في جسمها وحركاتها...اها بلا خجلة حضنتو لعبد السلام..هييي دقيقة يا ام عضام معصعصه حاضنه منو..دقيقة هييي ده راجلي ماي هازبند والله...هو انا ما حضنته💔💔..
#يتبع
