عبد السلام قال لي:- حلووو..ناخد هنا حكاية شهر وبعد اقدم ليك للجامعه نسافر البلد نقعد مع اهلك اسبوع كده ونرجع تاني رايك شنوو؟؟..قولتله:- بالحييل موافقة..بس شهر كتير..اني من اسي مشتاقة لحبوبة وجدو والبت سعاد..قال لي:- سعاد دي صحبتك من زمان؟؟ قولتله:- اياا من زمن بنلعب امشليل..المهم اتَ حدثني..ماني خاابره عنك شي..خميتني متل النعجه وعرستني..اتَ مجنون..اسي بنات اهلك وبنات الخرتوم ديل كلهن ما شفتهن..عينك ما وقعت إلا فوقي؟؟..قال لي:- بنات الخرطوم وبنات اهلي واي بت عرفتها في حياتي..عمري ما حسيت معاها الاحساس الانا حسيتو معاك من اول يوم شفتك فيهو وللان..قولتله:- يعني افهم شنو اسي؟؟..قال لي:- والله ح تفهمي كل حاجه وعندها وقت معين بتتفهم فيهو...ننوم؟؟..قولتله:- معليش على السؤال بس أتَ نصيح نصيح يعني؟؟ماك عيااان او كدي؟؟..قال لي:- لالا م عيان..انا كويس..إنتي حاسة أني عيان ولا شنو😂..قولتله:- يعني تصرفاتك تقول عليك زولاً صاحب مرض نفسي...اللخو انفقع ضحك لمن قنب تحت...قولتله:- بدور اضحك زيك كدي بس مني خاابرة انت بتضحك فوقي ليه💔..قام ومسك اكتافي وقال:- والله العظيم ما بضحك عليك..انا بضحك مبسووط منك دي كل القصة❤معليش يعني لو زعلتي بس أنتي حقيقي باسطاني ألف❤...قولتله:- هو يعني انا ما فهمت كلامك كلو بس شكلو كلام كويس...برضو ضِحك حتى بعدين نومنا...
بعد كم يوم كدي قرر ينزل شغل وفي نفس اليوم ده خالتو كانت عازمانا حفلة في بيتها...اني كنت من اللوضة للحمام ما بمشي حتة تانية وما باكل الا عبد السلام يكون في..الدغش قمت سويتلو شاي غصباً عن عين البت ديك سلوان ولا سلك عريان ماني خابرة...أمه تحدرلي واسيل تضحك في عمايلي وانا ما شغالة بيهن..علي براجلي زي ما وصتني حبوبة...سويتلو الشاي ومشيت اوضتنا..اها لقيتو لابس هدوم سمحه ماشاء الله عيني باردة ما نسحروو..قولتله:- الشاي يا عبد السلام..قال لي:- الله تسلم يدك ياخ...شربو وقافي وقال لي:- طعمه حلووو..اها رفعلو شنيطة كدي في كتفه..قولتله:- شايل شنو جوه الشنيطة دي..ماشي مكتبك بمخلايية😑💔...قال لي:- لالا...دي شنطه اللابتوب...لما القى وقت ح افهمك تشتغلي كيف..لأني ح اشتري ليك واحد ❤...المهم انا أتأخرتا لازم اطلع..خلي بالك من نفسك..طوالي بقيت أعاين لهدومي كيف يعني اخلي بالي من نفسي..هدومي وسخانة يعني ولا وشي فيهو شيتاً ما سمح...؟؟💔💔...عارفني ما فهمت فقال لي:- خليك قاعدة في الغرفة ما تطلعي ابدا..انا موصي عليك سلوان طيب..ولو احتجتي حاجه اتصلي علي. ولو انا اتصلت ردي..ما تفتحي الخط زي ما كنتي بتعملي قبل نتزوج فاااهمه..نزلت راسي وسكت سااااكت...اها طول اليوم بخطط البس شنو للحفلة..جات البت اسيل لقتني محتارة..انا قولته البت إنعدلت معاي ورادتني لله في لله...قالت لي:- إنتي مرت اخوي و مستحيل اسمح ليك تمشي مبهدلة..ح اختار ليك لبسة سمحه واوريك تعملي في وشك شنو عشان تطلعي حلوة..يلا عايني...
طلعت لي هدوم كدي وقالت لي:-تلبسيهم..ووصفت لي اعمل شنو عشان اطلع سمحه...
اها الليلة دي ح اشرفك يا عبد السلام ومحل نقبل تقول للخلق ياها مرتي😍😍
#يتبع
