ဧဒင်ဥယျာဥ်ကြီးထဲမှာ 🌾 [ COMPLETED ] ✔

Chapter (6)

// Unicode //

ဧဒင်ဥယျာဥ်ကြီးထဲမှာ🌾
____________________

" ကျန့်ကော.."

စီခနဲ အော်သံနှင့်အတူ မိမိနောက်ကို စွေ့ခနဲခုန်လာသော ကောင်ငယ်လေးကြောင့် ငါးစာကျွေးနေတဲ့ ရှောင်းကျန့်လက်က လေထဲမှာသာ ရပ်တန့်သွားပြီး..

"ဘာ ဘာ ဖြစ်လို့လဲ တစ်ခုခု လိုချင်လို့လား? "

ရိပေါ် က ဟဲခနဲ ထရယ်ကာ..

" ဟိုလေ အစ်ကို့အသားကို ထိတာမကြိုက်ဘူးဆိုရင် နောက်တစ်ခါ မထိတော့ပါဘူး..ကျွန်တော့်ကို စိတ်မဆိုးပါနဲ့နော်.."

စိတ်ဆိုးတယ်တဲ့လား..?
ဒီကောင်လေး က သူ့ကို အထင်လွဲနေတာပဲ..။

" အင်း နေပူတယ် အရိပ်ထဲမှာနေ "

ရှောင်းကျန့်က ခပ်ပြတ်ပြတ် စကားဆိုပြီး ငါးစာကိုသာ ဆက်ကျွေးနေသည်..။ သို့ပေမဲ့ အနှောင့်အယှက်လေးက အငြိမ်မနေပါပဲ

"ပေး ပေး ကျွန်တော်ကူကျွေးပေးမယ် "

လက်ထဲက ငါးစာထုပ်ကို အတင်းလာလုနေတာမို့ ရှောင်းကျန့်မှာ နောက်ကို နည်းနည်းဆုတ်လိုက်ပြီး..

"နေစမ်းပါ ခင်ဗျားလေး အသားတွေ နေလောင်ကုန်ပါ့မယ် အရိပ်ထဲမှာပဲ သွားထိုင်ချည် "

" ကျန့်ကောကလည်းဗျာ ကျွန်တော်က ကူညီချင်လို့ပါဆိုနေ "

ရိပေါ်က အလျော့မပေးပဲ ငါးစာထုပ်ကို ပြန်ဆွဲနေတာမို့ အခြေအနေက ကသမ်းကယမ်းနဲ့ ရိုမက်တစ် ဆန်ချင်နေသည်..။ လူပျိုကြီးမှာ ကို်ယ့်အတွေးနဲ့ကိုယ် မျက်နှာက နီရဲလာခဲ့ပြီး..

"ကဲ..ကျွေးချင်သပ ဆိုလည်းကျွေးတော့ "

"ဟီးး "

အစကတော့ Crush ရဲ့အစ်ကိုကို ဖားချင်လို့ ငါးစာကျွေးချင်တာ ဆိုပေမယ့် ကန်ထဲတွင် ပါးစပ်တွေ ဟ ကာ အစာတောင်းနေသော ငါးများကိုကြည့်ပြီး ရိပေါ့်စိတ်တွေ လှုပ်ရှားလာသည်..။ ကိုယ်က အစာတစ်ဆုပ် ပစ်ချလိုက်တိုင်း အုံလိုက်ကျင်းလိုက် လုစားနေကြတာကြောင့် ကမ်းပါးပေါ် ရပ်နေတဲ့ သူ့ခြေထောက်တွေ ကိုတောင် ေရတွေစင်ကုန်သည်..။

" ပျော်စရာကြီးဗျာ..! နောက်နေ့လည်း ငါးစာဝိုင်းကျွေးပေးမယ်နော် ကျန့်ကော "