ဧဒင်ဥယျာဥ်ကြီးထဲမှာ 🌾 [ COMPLETED ] ✔

Chapter (8)

// Unicode //

ဧဒင်ဥယျာဥ်ကြီးထဲမှာ 🌾
_______________________

" ကိုကို.."

" ဘာလို့ထလာတာလဲ ပြန်သွားအိပ်ချည် "

ရှောင်းကျန့်က ငရုတ်ပွသီးတွေ ခူးနေရင်း အိပ်မှုံစုံမွှားနဲ့ ထွက်လာသော ကောင်လေးကို မာန်မဲလိုက်တယ်..။ မနက် လေးနာရီ စွန်းစွန်းသာ ရှိသေးသည်မို့ ပတ်ဝန်းကျင် တစ်ခုလုံးအမှောင်ထုသာ ကြီးစိုးနေသလို ခပ်ပါးပါးရသော အအေးဓာတ်ကြောင့် ဖေးလျန်မှာ လက်နှစ်ဖက်ကို ပွေ့ပိုက်ထားရင်း..

" ဖေးဖေး ပါ ဝိုင်းခူးပေးမယ်လေ မနေ့က စူကောပြောတယ် ဒီနေ့မြို့ပေါ်တတ်ပြီး ​ဈေးသွားရောင်းမှာဆို.."

" အင်း "

" ဒါဆို လောင်ဝမ့်ကိုပါ နှိုးလိုက်မယ်နော် သူပါဝိုင်းကူတော့ အလုပ်မြန်မြန်ပြီးတာပေါ့ "

"ဟာ..! ဟေ့..မနှိုး__"

တားချိန်တောင် မရလိုက်ဘူး ဖေးလျန်တို့က အိမ်ထဲကို ပြန်ဝင်သွားချေပြီ..။ မကြာဘူး ဖေးဖေးနောက်မှာ တဝါးဝါး သမ်းဝေပြီး ယိုင်တိယိုင်တိုင် လမ်းလျှောက်လာတဲ့ ကောင်ငယ်လေး..။ ရှောင်းကျန့်မှာ လေသံတိမ်တိမ်နဲ့ပဲ..

" နှစ်ယောက်လုံး ပြန်သွားအိပ် ကူစရာမလိုပါဘူးဆိုနေ.."

" ဟင့်အင်း ကူပါမယ်ဆို "

ဖေးလျန်က ရိပေါ်နဲ့ပခုံးချင်း ပစ်တိုက်ကာ ကူပြောဦး ဆိုတဲ့သဘောနဲ့ မျက်စပစ်ပြတယ်..။ ရိပေါ်မှာ အိပ်ချင်နေသေးသော်လည်း Crush သဘောကျ ခေါင်းတွင်တွင်ညိမ့်ကာ..

" ဟုတ်တယ် ကျွန်တော်တို့ ဝိုင်းကူပါ့မယ် အားလုံးက မိသားစုတွေပဲမလား ကူညီရမှာပေါ့ "

"ဒါပေါ့ လောင်ဝမ်ရ ငါတို့တွေက မိသားစုတွေပဲလေ "

" ဟီးး.. ခုမှပဲ အိပ်ချင် ပြေသွားတော့တယ် "

မိသားစုဆိုတဲ့ စကားကို ပိုပိုသာသာလေး ဖိပြောရင်း ရိပေါ်က လက်နှစ်ဖက်ဆန့်ကာ ရယ်နေလိုက်သည်..။ မကြာခင် ကိုယ်က ဖေးလျန်နဲ့ယူပြီး ရှောင်းမိသားစုဝင် ဖြစ်တော့မှာပဲဟာကို..။ အခုဆို သူ့အစ်ကို ရှောင်းကျန့်နဲ့လည်း အတော်ကြီးကို အဆင်ပြေနေပြီလေ..။ မနက်ပိုင်း အတူပြေးတာတို့ ငါးစာကျွေးတာတို့ကိုတောင် သဟဇာတ ဖြစ်အောင် လုပ်တတ်နေပြီ..။ ဖေးဖေးကလည်း ထောက်ခံနေတယ်ဆိုတော့..အာ..ဟားး Crush ပေါက်ကို မကြာခင်မှ ဖွင့်ပြောဦးမှပါ..။