الشاعر سمير صبيح
غصب جف العطش ذب الدلو
بنص بير طلعت الدلو ماجيت جريتك
كتلك هسة اجي وماشفت وجهي شكال
كاعد تنتظر للأن خليتك
شعلتك بس شفت دخان بيك هواي
عماني ومادفيت وبيدي طفيتك
تعض ثوبك صبر خايف الصرخة تبوح
شضم صرختك شافوني جويتك
على نجمي بظلام ووصليتك ليش
بس طلعت شمس ماجني دليتك
اخذتك للنهر بس شربيتك ماي
ولليسأل كلت عطشان رديتك
شلت جم ساف منك حته اشوف الغير
حجبت هواي عني واني نصيتك
شيبخر النهر كل عقلك يشوفوك
وانه بنص البحر ملحات ضميتك
سمير صبيح
