الشاعر عبدالكريم القصاب
........... مدري ليش ! ..........
من جنت مثل الصبح مشمس بعيني ،
من جنت ماخذني مني ،
ومدري ليش !
جانت الصفنات خدرانه حدر صفصافتك .
ولو فَيْ صفصافه ،
بس جنت آشتهيك
جنت آحسّن بالندى ،
ومامش ندى وجنت آشتهيك
بلا ندى صافن عليك
وغفله فزيت ولكَيتك موش يمي
ومدري ليش !
مدري ليش !
غمّضت فحمه ومشيت بمطر أسود ،
وآنطفيت وكلّك آسود .
كَلبك آسود ،
جفك آسود ،
ثوبك آسود ،
طيرك الحط آعلى غصنك مثلك آسود .
بعد كل هذا السواد .....
اللاكط بشباج روحك ،
لاكط بثوبك ، بديك ،
شني البيك اليسوه صفنه ،
حتى آظل صافن عليك ؟
الشاعر عبدالكريم القصاب
