الشاعر ضياء المشرفاوي
بعد مو بشر ماحط طيف بالعين
ولا ارضه بـجفـن يـتمشه مـرود
يالگتلي الـجرح من ينقره يموت
لـهسه وماكشفت جروحي لـحد
لـهسه ومـاعرفت اگـعد بالـگلوب
لإن ياهـو الأحبه إحساسه يـبرد
فكن حزن راسي سوالفك بيض
بـس شعجب گلبك لابس اسود
يم بابك درت حـدماصرت ميل
لـحد ما بالـرمش عافيتي تنشد
چنت انوي واشد جفوني للنوم
وتجي صورك بنص عيوني تمتد
حط إيد التحبه بـجرحك إيطيب
تــره هـوه الـجرح مـو الـه يـنشد
حـنين بـگلـبك شـگد طـبـو أعـزاز
تفتحه الغيري واني بوجهي ينسد
