الشاعر ابو الحسن الشرع
خصم الكلام وقطعاً الهالحجي
خل ننتهي نرد كلمن الاوله
لا بيك تتغير اطباعك ثلج
لا اكدر اعذر حته اكلك هله
لا انه ذاك البارد المايحس
لا بيك هده الحلة المشكله
راح انسحب سحبت الابره بجرح
بس راح افل ايامي من هالصله
جنك مطر نيسان بجه الفلح
لا هو مزنه ولزرع بلله
احجي بصفاتك خاف عيني انعمت
قنعني انت بغير هالشاكله
صاير جزيره بنص غرورك عشت
خربت كشخت نهر يم ساحله
صح انه فارس لكن اتنازلت
حبك جبرني اتعنه الك راجله
لكن ضميرك مثل اهل الكهف
نايم ومافز وانه كلبي اانوله
عن ياشعور تكلي عن ياعشك
موتت كلشي وخلصت المهزله
صح من وعدتك مااعوفك ابد
وانه الوعد بكليبي مابدله
بس انت وصلت الدلو الرگبتي
طلعته فارغ بيرك اشوشله
مااعتب اعله احد نطاني الظهر
عتبي اعله عيني الشافتك سنبله
امنت بيك وسلميتك كلب
بس كلبك الكص منحرني بمنجله
#ابو_الحسن_الشرع
