الشاعر نهاد الخيكاني
الشاعر المبدع نهاد الخيكاني
هااك اقره يالتقره الورد
شاطر چنت بقرايته..
واقراني واحد مختنگ
ضاگت بـ عينه ولايته..
مــشــتـاگلـك...
لكن هَلَك يستكثرون حچايته!
ضليت اگلّب بالنجم
ياهي الگبالك بايته..
مسودن وادوّر بالهوه
نسمه عله شعرك فايته..
الماشاف من عينك صبح
تكفر بوجهه امرايته..
ماگتلي ناوي عله الهجر
حتا اقتنع واتعلّم..
من گتلك انته فلان إلّي
چا ماگلت لاتحلمّ..؟؟!
مو مسألة شوگ وعطف
لا..يبن الجواد افهمّ..
المشكله هو الهوى
مُرْ بعدك وماينشمّ..
المشكله مفارگ بشر..
نايم وافزن مختنگ
بالطيف اذا ماسلّم..
المشكله مفارگ وجه
من تضحگ اشفافه الصبح
كسرة شمس تتبسمّ...
المشكله مفارگ دفو
مايبرد گباله الدمّ..
هذا انته وانه عله الهجر
گتلك گلب ماعندي..
بس رحت ..جريت الشمس
من حلمي ذاك الوردي..
ليليه حرگة فرگتك
تچفي الفرات بخدّي..
هسه المهم...عوف العتب..
خافن يمر بيك التعب...
بالحلم طارش ودّي..
تلگاني واگفلك حرز
يم شعرك المتبّدّي ..
