الشاعر ولاء الركابي
ماكلك اشكد عاشكك بس مرات
ارسم ع اجفوفي اسمك واشتمه
مو الا حب واحلام واحساس وشوگ
ردتك تضل وياي حتلو لجمه
اوصل لحد اخر نفس وارجع شاب
لو من كذلتك يمي توصل نسمه
اخ شغلاتك ولد بعد ابنيات
عند ام حلمها تربي للحب زلمه
ما افتهم كل الحجولي اعله الشوگ
وَانت الوحيد الساكت وافتهمه
غيرك كرص جابولي بس طبع الروح
من التحبهم تستلذ بالثلمه
ازمة احساس ويابرودك تمثال
ومن انسأل ماجيب طاري الازمه
عاشكني اكلهم واخجل وحمره اتصير
بخدودي واعثر بين كلمه وكلمه
شيطلعك من الراس ثار المعدن
شاب ويشوفك راس ماله وحلمه
من توكع بضلمه ويشح بيك الشوف
شمسين اجيبن وحده اجيبن زحمه
لا همه عندي ولا خلگ لليمشون
بس يم جنابك كلي اصيرن همه
من يانخل وارث احساسك جمار
دورة خبز وجهك تنين النعمه
مختلف حته بشامتك عن الناس
ابيض وشاماتك شمس مو فحمه
