الشاعر اثير السلمان
اثر چفك لهسه ابقبضة السيف
واثرسيفك لهسه ابروس الارگاب
واثر حافر مهرتك خورس الگاع
وثورة رايتك للكون محراب
ابن ام البنين وهذا يكفيك
وبعد ماحاجه اگلك ابن ابواتراب
كسرباب خيبر حيدر هناك
يوم البرز مرحب سكته الاصحاب
ونته اربات حيدر يعني عباس
كسرت الشريعه وشلت الابواب
حاضر بلطفوف ابكربله هناك
عن نصرت اخيه الگمر ماغاب
الك بلطف مشاهد وي الحسين
والك وي العقيله اعتاب وعتاب
من نادوك رادو تترك حسين
انخطف وجه العقيله بذاك المصاب
گتلهه انه اخيچ انه عباس
انه ابن البلوغه من صيته تنهاب
حرف جر كربله بيوم امتحانات
جريت آل اميه ابسيف الاعراب
اخذ شي من حياته والعطاشه
الگمر بگلوب ناسه والعطاشه
وحگ ساقي العطاشه والعطاشه
قسم يفني ويوذر اجيوش اميه
قسم يفني ويوذر اجيوش اميه
