الشاعر كريم دخيل
حيل صعبة ليلة العاشر عليج
انثلم من ركن صبرج جم كتر
هناك جود الماي بس بلايه ماي
هنا رضيع يفرفح وصدر اليدر
هناك يم المشرعة جفوف الكفيل
اتدور الترجية وين بيا كتر
بينج وبين النهر شهكة كفيل
وبينج وبين النحر شمرة شمر
وبينج وبين الخيم عشرة وفاء
خيمة وصت خيمة عن لا تستعر
سوون الدخان بس بلايه نار
ومن دخان الخيم سولج ستر
علي موصي الخيم من قبل الطفوف
ما اوصيجن بهاي ام الخدر
.......
