رواية ( الفتي الشرير ) كاملة

#الحلقة_السادسة

#الفتي_الشرير
#الحلقة_السادسة

____________

وقفنا الحلقة اللى فاتت لما كنت واقف على النيل بكلم نفسى وبفكر فى موضوع مهم كان شاغلنى
انا : سيبك من الموضوع ده دلوقتى فى موضوع مهم شاغلنى
نفسى : موضوع ايه اللى شاغلك
انا : ارض امى اللى واكلها عمها
نفسى : عندك حق ماينفعش تسيب حقك حتى لو مش محتاجه
انا : طب نعملها ازاى دى
نفسى : انا عندى فكره
انا : ايه يافالح
نفسى : ايه رائيك ندخل ابو سيف فى الموضوع
انا : فكره حلوه انا هتصل بيه دلوقتى

* طلعت تليفونى واتصلت با ابو سيف
ابو سيف : ازيك يا  مهيب
انا : ازيك ياعمى
ابو سيف : خير فى حاجه
انا : اه محتاك منك خدمه
ابو سيف: خير
انا : انت عارف مشكله الارض بتاعتنا مع عم امى
ابو سيف : اه عارف
انا : عايزين نحلها
ابو سيف : بسيطه
انا : ازاى
ابو سيف : عادى احنا هنعمل ............. وحكالى على الخطه
انا : لا استنى هنتكلم معاه بالود الاول نفع بقينا حبايب مانفعش يبقى يستحمل اللى هيحصل
ابو سيف : تمام .... طب سلام دلوقتى علشان معايا مشوار
انا : سلام
* قفلت مع ابو سيف واتصلت بخالى
انا : ازيك ياخال
خالى : اهلا بالى عدا وهينسانا
انا : هى امى لحقت قالتلك
خالى : لا مش امك ده عمك كنت بكلمه فى موضوع وقالى على اللى انت عملته انت ومحمد
انا : موضوع ايه ده اللى عايزه من عمى
خالى : قولت اوسطه فى موضوع الارض بتاعنا بما انه كبير العيله انا ابويا ميت النهارده بقاله اكتر من سنتين ومش طايلين حاجه من الارض
انا : كويس هو ده الموضوع اللى كنت عايز اكلمك فيه
خالى : وانت مالك بالارض مانت خلاص عديت
انا : بص ياخالى انا الارض مالازمنيش بس ماتعودتش حد ياكل حقى غصب عني ده اللى مش ممكن ابدا على رأى الست
المهم عمى قالك ايه
خالى : اتفقت معاه ان الاسبوع اللى جاى هنزل البلد ونقعد انا وابوك وجوز خالتك وعمك مع عمى ونشوف هيقول ايه
انا : طب تمام انا عايز احضر الاجتماع ده
خالى : مافيش مشكله على العموم انا جاى الخميس والقعده يوم الجمعه بعد العصر
انا : طب تمام انا فاضى الجمعه
خالى : خلاص تمام
انا : انت اخر مره شيكت على حساب البنك بتاعك امتى
خالى : من اسبوعين
انا : طب شيك عليه تانى
خالى : ليه يعنى
انا : فى مبلغ محترم اتضاف عليه
خالى : ليه كده
انا : ياخالى انا مابحبش اكل لوحدى واى خير يجى لازم الكل ياخد منه وانت مش خالى وبس انت زى ابويا
خالى : ماشى ياولدى ... بس ماقولتليش بعتلى كام
انا : 2 مليون
خالى : انت بتقول كام
انا : 2 مليون
خالى : ليه ده كله
انا : ولو احتجت اى حاجه فى اى وقت ابنك سداد
خالى : ماشى ياحبيبى
انا : طب سلام دلوقتى علشان رايح لجماعه صحابى

* فى الغردقه عند انجى
انجى بتكلم جوزها فى التليفون
انجى : ازاى يعنى يايوسف مش هتيجى انت مش قولت اجازتك اخر الشهر
يوسف : معلش ياحبيبتى معايا شغل ومش هقدر انزل دلوقتى
انجى : طب هتنزل امتى
يوسف : مش قبل 6 شهور
انجى : ليه ده كله ... حس بيا يا اخى انا تعبانه لوحدى وانت بقالك سنه مانزلتش دى حتى بنتك قربت تنسى انك ابوها
يوسف : معلش ياحبيبتى استحملينى شويه
انجى : استحمل لحد امتى
يوسف : طب معلش ياحبيبتى معايا شغل دلوقتى هخلص واكلمك
انجى : سلام يايوسف