#الفتي_الشرير
#الحلقة_ال38
___________
وقفنا الجزء اللى فات لما سافرنا اسيوط علشان نخلص العمليه وسافرت انا وخالد ولواء شرطه والخبير ومعانا صاحبى اللى معاه الحاجه ووصلنا البلد بعد نص الليل وكان مستنينا هناك ابو صاحى واسمه حسان ومعاه اتنين رجاله
خالد : بعد اذنك ياعم حسان فين الحاجه علشان الخبير يكشف عليها
حسان : موجوده .... ثوانى هدخل اجبهالك
ودخل جاب التمثال والخبير كشف عليه
الخبير : التمثال تمام
اللواء : كده تمام .... خد الفلوس يا حسان
حسان : كام دول يافندم
اللواء : 10 مليون دولار
حسان : بس المبلغ ده قليل على التمثال
اللواء : ده تمنه وماتطمعش يا حسان
حسان : انا عاوز 20 مليون دولار
اللواء : شكلك كده هتزعلنى يا حسان وانا زعلى وحش عليك
حسان : الظاهر ياباشا كده انت اللى متعرفش زعلنا
اللواء : طب ورينى يا حسان هتزعلنى ازاى
وشاور حسان للرجاله اللى معاه وطلعوا رشاشات
حسان : أيه رائيك يا باشا فى زعلنا
اللواء : كده حلو ... يبقى انت كده اللى بدأت
وفجأه اقتحم المكان رجاله كتير وثبتوا حسان واللى معاه وكتفوهم بما فيهم ابنه
اللواء : مش قولتلك يا حسان انت مش قد زعلى
حسان : السماح ياباشا
اللواء : للاسف يا حسان انا مش بعرف اسامح ..... خلصوا عليهم يارجاله
وبالفعل الرجاله خلصوا على الكل وانا اول ماشوفت منظر الدم اترعبت من جوايا بس مبينتش قدامهم انى خايف .... وبعد ماخلصنا اللواء اخد الفلوس والتمثال ورجعنا القاهره تانى
عدى الموقف ده اخدتلى يومين حابس نفسى فى الشقه ومش بتكلم مع حد وقافل تليفونى .... لحد ما اعصابى هديت وفتحت تليفونى ... وبعد مافتحت التليفون بساعه تليفونى رن وكان خالد ماردتش عليه لكنه اتصل تانى فاضطررت ارد
انا : خير ياعم خالد
خالد : ايه يا دياب بكلمك بقالى يومين قافل تليفونك
انا : معلش ياعم خالد بس كنت تعبان شويه
خالد : لا سلامتك .... انا عارف ايه اللى تاعبك
انا : بلاش كلام فى الموضوع ده
خالد : طب تعلالى عاوزك فى حاجه مهمه
انا : خير فى ايه
خالد : مش هينفع فى التليفون لازم اشوفك
انا : خلاص بكره هعدى عليك
خالد : تعلالى دلوقتى انا مستنيك فى البيت
انا : خلاص ماشى نص ساعه واجيلك
بعد كده قومت اخدت شاور وغيرت هدومى ونزلت لخالد
انا : خير ياعم خالد عاوز ايه
خالد : مالك كده فى ايه
انا : يعنى مش عارف فى ايه
خالد : يابنى فى الشغلانه بتاعتنا اللى حصل ده شئ طبيعى بيحصل كتير والغدر وارد ... انت بس علشان جديد فى الموضوع اتاثرت .... لكن انا شوفت اكتر من كده بكتير
انا : خلاص حكايه وخلصت
خالد : علشان تبقى حكايه وخلصت خد الشنطه دى
انا : ايه الشنطه دى
خالد : ده نصيبك فى العمليه مليون دولار
انا : مش عايزهم
خالد : انت بتقول ايه
انا : بقولك مش عايز الفلوس دى ولا تلزمنى
خالد : ليه كده
انا : الفلوس دى متعاصه دم وانا لو اخدت منها حاجه هبقى مشارك فى الدم ده
خالد : انت بتتكلم بجد
انا : وده موضوع ينفع فيه الهزار
خالد : يابنى لو مكناش قتلناهم كانوا هما اللى هيقتلونا
انا : لا مش صحيح .... احنا ثبتناهم واخدنا سلاحهم كان ممكن ناخد التمثال وعقابا ليهم من غير فلوس لكن الدم ملهوش لازمه
خالد : وتفتكر هما كانوا هيسكتوا
انا : كانوا هيعملوا ايه يعنى
خالد : انت ناسى ان ابن الراجل ده يبقى صاحبك يعنى سهل جدا يوصلولك وانت هتوصلهم ليا يعنى كانت هتبقى خربانه علينا .... احنا كده عملنا الصح
انا : خلاص طالما انت مقتنع ان ده الصح يبقى حلال عليك الفلوس
خالد : ده اخر كلام عندك
انا : انا عمر ماكان ليا كلمتين
خالد : انت حر
انا : طب استاذن انا .... عاوز منى حاجه
خالد : اتفضل امشى
أنت تقرأ
رواية ( الفتي الشرير ) كاملة
Mistério / Suspenseنتناسى لكننا لا ننسى، احيانا قد نتخلّى عن المحاسبة لكننا لا نسامح.هكذا هي طبيعة الانسان بكل ما فيه من جنون... الخيانة ،الغش ،الاخلاص ،الوفاء لكي نفهم كل انسان يجب علينا فهم ما يدور داخلة من الناحية النفسية، علينا ان نراجع كل الاسس التي تربي عليها كذ...
