#الفتي_الشرير
#الحلقة_ال41
______________
من ناحيه تانيه عند خالى حسن ومراته سميره
سميره : كنت فين من الصبح ياراجل انت
حسن : كنت فى الارض طالع عينى علشان اجيبلكم الطفح اللى هتطفحوه انتى وعيالك
سميره : ومالك متعصب كده ليه هو الشغل ده جديد عليك
حسن : لا مش جديد بس خلاص انا تعبت ومش قادر
سميره : فى حاجه حصلت النهارده ولا ايه
حسن : عرفتى باللى عمله الزفت عاصى قبل ما يموت
سميره : عمل ايه هباب الطين
حسن : كتب نص ارضه وفلوسه لدياب
سميره : انت بتتكلم بجد
حسن : زى مابقولك كده ..... البلد كلها بتتكلم عن الموضوع ده
سميره : ياما اتحايلت عليك انك تعامل دياب معامله كويسه لكن مش عارفه ليه كنت قاسى عليه بالشكل ده
حسن : انا عارف ان دياب ملهوش ذنب فى اللى حصل .... بس اعمل ايه كنت كل ما ابص فى وشه افتكر الزفت عاصى واللى عمله فى ابويا مش قادر انسى اليوم اللى ضرب فيه ابويا بالقلم
سميره : ودياب ذنبه ايه فى ده كله .... ده حتى عاش طول عمره مطرود هو وابوه
حسن : اهو اللى حصل
سميره : طب ايه رائيك تروحله وتعتذرله
حسن : انتى اتجننتى
سميره : لا انا عاقله بس انت غلطت فيخ ولازم تعتذرله
حسن : علشان المره دى مش هيكتفى بطردى .... لا ده ممكن يسجنى
سميره : دياب طيب وغلبان وانا واثقه من انه هيسامحك
حسن : طب ياريت تقفلى على الموضوع ده وقومى حضريلى لقمه انا جعان
سميره : حاضر انت حر
من ناحيه تانيه ابراهيم فى العين السخنه مع معتز ابن عمه اللى بيشتغل هناك
ابراهيم : ايه ياعم انت جايبنى هنا ليه دلوقتى
معتز : ياعم انا قولت اجيبك تقضى اليوم معايا وتفك عن نفسك شويه
ابراهيم : ياعم انا مليش فى السهرات بتاعتك دى
معتز : ياعم مفيش حاجه من اللى فى دماغك بس بجد ابوك كلمنى وقالى انت على طول حابس نفسك وبتذاكر والراجل عاوزك تفك عن نفسك شويه
ابراهيم : انت عارف ان انا واخد منحه ولو التقدير بتاعى نقص المنحه هتروح من علشان كده لازم اذاكر كويس
معتز : ماشى ياعم ذاكر براحتك بس خودلك يوم اجازه روق فيه عن نفسك شويه
ابراهيم : ماشى ياسيدى
معتز : عاوز اسالك عن حاجه
ابراهيم : اسال ياعم
معتز : انت مفيش فى حياتك واحده كده ولا كده
ابراهيم : هو تقريبا فى
معتز : ازاى يعنى تقريبا ... هو يا اما فى يا اما مفيش
ابراهيم : هو فى واحده معايا فى الجامعه انا معجب بيها وهى تقريبا معجبه بيا بس مفيش حد فينا صارح التانى
معتز : اه قولتلى ..... طب هى ايه دنيتها
ابراهيم : هى محترمه وبنت ناس بس عيبها الوحيد ان دماغها لاسعه شويه
معتز : هى من القاهره ولا من فين
ابراهيم : لا هى من المنصوره واسمها فريده
معتز : طالما عاجباك كده وبتقول عليها محترمه وبنت ناس ايه اللى معطلك
ابراهيم : اللى معطلنى الدراسه .... خايف لو اتقدمتلها تعطلنى
معتز : ده اسمه كلام هبل .... ياعم هى لو بنت كويسه زى ما بتقول هى اللى هتساعدك فى المذاكره وفى مستقبلك
ابراهيم : يعنى انت شايف كده
معتز : بصراحه انا شايف كده وابوك وامك كمان شايفين كده
ابراهيم : قولتلى .... هى الحكايه كده .... يعنى انت مش جايبنى اتفسح واغير جو كل الحكايه ان ابويا وامى مسلطينك عليا علشان اخطب
معتز : بصراحه ايوه ..... ابوك وامك عاوزينك تخطب
ابراهيم : طب وليه الاستعجال .... انا امى بقالها فتره شغاله زن عليا فى الموضوع ده
معتز : يابنى انت ابنهم الوحيد وعاوزين يفرحوا بيك .... وبعدين تقدر تقولى انت ناقصك ايه .... شقتك وموجوده فى العماره اللى انتوا ساكنين فيها .... مستقبلك ومضمون انت فى كليه كبيره وبتجيب تقديرات وشغلك مضمون وابوك وعمك علاقاتهم كبيره وهيضمنولك الوظيفه تقدر تقولى ايه اللى معطلك
ابراهيم : .........
معتز : ايه يابنى سرحت فى ايه وانا بكلمك
ابراهيم : ايه .... لا مفيش حاجه .... قوم بينا نمشى من هنا
معتز : ايه فى يابنى
ابراهيم : بعدين هفهمك .... بس يلا بينا نتغدى علشان ارجع القاهره قبل الليل علشان معايا جامعه بكره
معتز : ماشى يلا بينا
أنت تقرأ
رواية ( الفتي الشرير ) كاملة
Mistério / Suspenseنتناسى لكننا لا ننسى، احيانا قد نتخلّى عن المحاسبة لكننا لا نسامح.هكذا هي طبيعة الانسان بكل ما فيه من جنون... الخيانة ،الغش ،الاخلاص ،الوفاء لكي نفهم كل انسان يجب علينا فهم ما يدور داخلة من الناحية النفسية، علينا ان نراجع كل الاسس التي تربي عليها كذ...
